[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/DSC01593.jpg” ]

Azərbaycan Gənclər Fondunun maliyyə dəstəyi və “Gənclər İnkişaf Naminə” İctimai Birliyinin təşkilatçılığı ilə “Sumqayıt Gənclərində Təşkilati Bacarıqların” artırılması layihəsi çərçivəsində növbəti təlim 27-28 oktyabr 2012-ci il tarixində, Sumqayıt şəhərində “Layihə yazılışı” mövzusunda keçirilərək layihənin birinci mərhələsinə yekun vurulmuşdur. Təlimdə Sumqayıt şəhərində fəaliyyət göstərən gənclər təşkilatlarının nümayəndələri və fəal gənclər iştirak etmişlər. Təlimdə çıxış edən layihə əlaqələndiricisi İsmayıl Kərimov layihənin mahiyyəti haqqında iştirakçılara məlumat çatdırıb.

İki günlük təlimdə  layihə anlayışı, layihə yazılışının planlaşdırılmasında problemin və maraqlı şəxslərin təhlili, məqsədin müəyyən edilməsi və alternativ strategiyaların seçilməsi, müdaxilənin məntiqi, layihə yazılışında indikatorların göstərilməsi, risk analizi, məntiqi çərçivənin yazılışı, layihə yazılışında dil üslubu, büdcə tərtibatı və digər mövzular interaktiv metodla iştirakçılara çatdırılmışdır. Təlimdə gənclər qrup işləri vasitəsilə öyrəndikləri biliklərlə layihələr hazırlamışlar. Təlimin sonunda ümumi qiymətləndirmə aparılıb və təlimin təşkilatçıları ilə gələcək planlar müəyyənləşdirilib.

Təlim iştirakçılarına təlimlərdən sonra bütün layihə iştirakçıları ilə birgə görüləcək işlər haqqında məlumat verilib və bununla da layihənin birinci mərhələsi başa çatdırılıb.

Layihənin ikinci mərhələsində layihə iştirakçılarının 4 qrupa bölünərək layihə hazırlamaları və təqdimatların keçirilməsi nəzərdə tutulur. Layihə çərçivəsində hazırlanan layihələrin maliyyələşdirilməsi üçün donor axtarışları işlərinin aparılması da planlaşdırılır.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”3774″ id=”3774″ imageeffect=”reflection” imgheight=”154″ imgwidth=”240″ width=”980″ /]