[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/IMG_1693.jpg” ]
Gənclər Fondunun maliyyə dəstəyi ilə “Kainat” Gənclik Mərkəzinin “Yenilikçi gənclərin Respublika Forumu” layihəsinin hazırlıq işləri davam etməkdədir. 2012-ci ilin oktyabr ayının 30-da, “Caspian Plaza III” konfrans zalında “Yenilikçi Gənclərin Respublika Forumu”nun təsis yığıncağı baş tutub. Yığıncaqda Azərbaycan Respublikasının Rabitə və İnformasiya Texnologiyaları Nazirliyinin gənc əməkdaşları, Azərbaycan Milli Elmlər Akademiyasının ayrı-ayrı institutlarının əməkdaşları, bir çox ali təhsil ocaqlarının tələbələri, mətbuat nümayəndələri iştirak edirdilər. Təsis yığıncağında gənc alimlərin və tələbələrin müxtəlif sahələr üzrə təklif etdiyi məsələlər müzakirə olunub.
“Yenilikçi Gənclərin Respublika Forumu”nun təsis yığıncağı iştirakçılarının ümumi qərarına əsasən, AMEA-nın Gənclərin İntellektual İnkişaf Mərkəzinin direktoru, “Azərbaycan gənc alim, aspirant, magistrantlar” cəmiyyətinin sədri İlqar Orucov müşahidə şurasının sədri seçilib.
Yekunda ”Kainat” Gənclik Mərkəzinin təşkilatçılığı ilə “Yenilikçi Gənclərin Respublika Forumu” çərçivəsində növbəti dəfə seminarın təşkil olunması, nümayiş etdiriləcək əl işlərinin toplanması və Forum iştirakçısı olacaq fərqlənən gənclərin mükafatlandırılma formasının müəyyənləşməsi qərara alınıb.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”3851″ id=”3851″ imageeffect=”reflection” imgheight=”154″ imgwidth=”240″ width=”980″ /]
