[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/DSC06322.jpg” ]
Dünən “JW Marriott Abşeron” otelinin “Xırdalan” zalında Azərbaycan Respublikasının Gənclər və İdman Nazirliyi yanında Gənclər Fondunun dəstəyi ilə “NUR” Uşaq və Gənclərin İctimai Birliyi tərəfindən təşkil olunan HİV/AİDS-lə mübarizəyə həsr olunmuş beynəlxalq gənclər konfransının açılış mərasimi keçirilmişdir. Konfransın açılış mərasimində Azərbaycan Respublikasının Gənclər və İdman nazirinin müavini İntiqam Babayev, millət vəkilləri İlham Məmmədov, Sevinc Hüseynova, Azərbaycan Gənclər Fondunun icraçı direktoru Fərhad Hacıyev, UNİCEF-in Azərbaycandakı nümayəndəsi Mark Hervard, “NUR” Uşaq və Gənclərin İctimai Birliyinin sədri Sevinc Muradova çıxış etmişlər.
Daha sonra, “HİV/AİDS: qlobal vəziyyət, təşəbbüslər, nailiyyətlər və çətinliklər” adlı I sessiyada BMT-nin Narkotiklər və Cinayətkarlıq üzrə İdarəsinin ölkə meneceri Arzu Quliyeva, millət vəkili Məlahət İbrahimqızı, Ümumdünya Səhiyyə Təşkilatının nümayəndəsi Cəvahir Süleymanova, Respublika QİÇS-lə Mübarizə Mərkəzinin əməkdaşı Şahin Xasıyev, Nigeriya və Azərbaycandan iştirakçı gənclər çıxış etmişlər.
Günün ikinci yarısında keçirilmiş “HİV/AİDS-in önlənməsində gənclərin iştirakı” adlı sessiyada Gənclər və İdman Nazirliyinin şöbə müdiri Nərmin Bağırova, Azərbaycan Gənclər Fondunun sektor müdiri Orxan Ərəbov və UNİCEF-in əməkdaşı Natiq Umarov çıxış etmişlər.
Konfransda Azərbaycan və dünyanın 10 müxtəlif ölkəsindən (Rumıniya, Misir, Almaniya, Nigeriya, Türkiyə, Litva, Estoniya, Yunanıstan, Ukrayna, Sudan) 40 nəfər gənc iştirak edib. Tədbirin keçirilməsində başlıca məqsəd gənclər təşkilatları və ictimai fəal gənclər üçün sağlam həyat tərzinin təbliği, HİV/AİDS-lə mübarizə və yeni təşəbbüslərin yaranması mövzusunda müzakirələr aparmaq üçün imkan yaratmaq və bununla da, bu sahədə ən yaxşı təcrübələrin öyrənilməsi, mübadiləsi və gələcək əməkdaşlıqların yaradılmasına vasitəçi olmaqdan ibarətdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”4147″ id=”4147″ imageeffect=”reflection” imgheight=”154″ imgwidth=”240″ width=”980″ /]
