[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/12/viewer.png” ]

«Rezonans» Gənclərin İctimаi Birliyinin Gənclər Fondunun dəstəyi ilə həyata keçiridiyi “21-ci əsrin gəncliyi: Könüllülük hərəkatının genişləndirilməsi” layihəsi çərçivəsində növbəti tədbir dekabr ayının 16-da, Yevlax şəhərində keçirilmişdir. Rayon gənclərinin iştirakı ilə keçirilən tədbirdə mövzu ilə əlaqədar məruzələr dinlənilmiş, müzakirələr aparılmışdır. Məlumat verildiyi kimi, bu layihənin məqsədləri Azərbaycanın, bütövlükdə bütün regionun maraqları naminə gənclərin potensialını reallaşdırmaq və inkişaf etdirmək, könüllülük hərəkatını stimullaşdırmaq, gənclərin intellektual, fiziki, mənəvi-əxlaqi inkişafını dəstəkləyən regional sistem formalaşdırmaq, gələcəkdə gənclərin həyat keyfiyyətinin yüksəldilməsi üçün sosial-iqtisadi şərait yaratmaq, onları zərərli vərdişlərdən, təhlükələrdən maksimum mühafizə etmək üçün birgə fəaliyyət sistemi hazırlamaqdır.