[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/02/DSC00193.jpg” ]
31 yanvar 2013-cü il tarixində Azərbaycan Respublikasının Prezidenti yanında Gənclər Fondunun maliyyə dəstəyi ilə “Həyat” Beynəlxalq Humanitar Təşkilatı tərəfindən icra olunan “Yollarda təhlükəsizlik sahəsində gənclərin maariflənməsi” layihəsi çərçivəsində Çeçen gənclərinin bir qrupu üçün “Biz yol hərəkəti qaydalarını öyrənirik” mövzusunda təlim-seminar keçirilmişdir.
Layihə təlimçisi, istefada olan polkovnik-leytenant Təvəkkül Həsənov “Həyat” təşkilatının yol təhlükəsizliyi sahəsində həyata keçirdiyi fəaliyyətlər barədə müfəssəl məlumat vermiş, təşkilatın xətti ilə bu sahədə təbliğat vasitəsi kimi çəkilmiş kliplərin nümayişini təşkil etmişdir. Təlim iştirakçıları üçün həm də Bakı Şəhər Baş Polis İdarəsi Dövlət Yol Polis idarəsinin (BPİ DYPİ) reklam çarxı da göstərilmişdir.
Çeçen gəncləri üçün rus dilinə sinxron tərcümə vasitəsilə keçirilən təlimdə yol hərəkəti qaydalarının izahı və real hadisələr üzərində hazırlanmış animasiyalar əsasında yollarda təhlükəsiz hərəkət etmə və mümkün təhlükələrdən yayınma yollarından bəhs olunmuşdur.
Yol hərəkəti qaydalarının geniş təbliğ olunması və bu istiqamətdə icra olunan bütün fəaliyyətlərin zəruriliyini və iştirak etdikləri təlimin həqiqətən bu sahədə biliklərin artırılmasında böyük önəm kəsb etdiyini vurğulayan Çeçen gəncləri bu kimi təbliğat fəaliyyətlərinin genişləndirilməsi təklifi ilə çıxış ediblər.
Tədbirin sonunda iştirakçılar arasında layihə çərçivəsində hazırlanmış çap materialları və əyani vəsaitlər paylanmışdır.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”5933″ id=”5933″ imageeffect=”reflection” imgheight=”154″ imgwidth=”240″ width=”980″ /]
