[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/02/DSCN0549.jpg” ]
“Bakı Gənclər Klubu” İctimai Birliyi Azərbaycan Gənclər Fondunun dəstəyi ilə “Gənclərin sahibkarlıq fəaliyyətinə kömək-regional resurs mərkəzi” adlı layihənin icrasını davam etdirir. Qeyd etdiyimiz kimi, layihə respublikamızın şimal bölgəsində-Xaçmaz, Quba, Qusar və Şabran rayonlarında həyata keçirilir. Layihənin məqsədi bölgə gənclərinə sahibkarlıq fəaliyyətinin qurulmasında hüquqi yardım etmək, onları biznes planların hazırlanması, ilkin sənədlərin tərtib olunması, həmçinin güzəştli kreditlərin alınması qaydaları ilə tanış etməkdən ibarətdir.
Layihə çərçivəsində növbəti görüş bu həftə, Quba rayonunun gəncləri ilə təşkil olunmuşdur. Görüş zamanı gənclər Birliyin fəaliyyəti, layihənin məqsədi və gedişatı ilə yaxından tanış olmuşlar. Bundan başqa Quba rayonunun biznes potensiyalı, rayonda sahibkarlığın inkişaf perspektivləri haqqında danışılmışdır. Natiqlər rayonun biznes fəaliyyəti ilə məşğul olan (və ya məşğul olmağı planlaşdıran) gənclərinə maraqlandıqları biznes planın tərtib edilməsi, marketinq hesablamaları və s. mövzular haqqında ətraflı məlumat vermişlər. Sonda gənc sahibkarları maraqlandıran suallar cavablandırılmışdır.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”6004″ id=”6004″ imageeffect=”reflection” imgheight=”154″ imgwidth=”240″ width=”980″ /]
