[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/05052013029.jpg” ]

Azərbaycan Respublikasının Prezidenti yanında Gənclər Fondunun “C” kateqoriyası üzrə müsabiqəsinin qalibi, Şəki şəhər sakini Nağıyeva Aynur Fondun maliyyə dəstəyi ilə “Gənclərdə kitaba olan marağın artırılması” layihəsi çərçivəsində 5 may 2013-cü il tarixində Şəki şəhərində kitaba marağı olan gənclərlə ilk görüşünü keçirmişdir.

Layihənin əsas məqsədi Şəki şəhərində yaşayan, xalq təsərrüfatının müxtəlif sahələrində işləyən, həm də kitab oxumağa həvəsi olan gənclərin bir araya gətirilməsi, onların kitab haqqında olan fikirlərinin öyrənilməsi, kitabın gənclərin həyatına təsirlərinin dəyərləndirilməsi, kitabxanalara üzv olan və kitabxanaların xidmətlərindən maksimum yararlanan gənclərin seçilməsi və müasir gəncliyin maraq dairələrinin müəyyənləşdirilməsindən ibarətdir.

Layihənin əsas vəzifələrindən biri də kitaba marağı olmayan və kitab oxumağa belə vaxt tapa bilməyən gənclərə kitablar haqqında çoxşaxəli məlumatlar verməklə, onları heç olmasa ayda bir dəfə də olsa kitabxana xidmətlərindən istifadəyə sövq etməkdən ibarətdir.

Layihə çərçivəsində gənclərlə keçirilən ilk görüş Ümummilli Lider Heydər Əliyevin doğum günü ərəfəsinə təsadüf etdiyi üçün məhz bu görüşün I hissəsində “Biz Ümummilli Liderimiz haqqında nə bilirik?”, “Heydər Əliyev və müasir gənclik”, “Heydər Əliyevin kitab haqqında söylədiyi fikirlər” mövzularında hazırlanmış çıxışlar dinlənilmiş və Ümummilli Lider haqqında videoçarx görüş iştirakçıları ilə birgə izlənilmişdir.

Görüşün II hissəsində “Kitab oxumağın gənclərə təsiri” mövzusunda videoçarx izlənilib.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”6527″ id=”6527″ imageeffect=”reflection” imgheight=”154″ imgwidth=”240″ width=”980″ /]