[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/1368637710_1a-kopiya.jpg” ]

“Gəncliyə Dəstək” İctimai Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə icrasına başladığı “Sağlam gənclik sağlam gələcəkdir” adlı layihə çərçivəsində Zərdab rayonunda 31 may-1 iyun 2013-cü il tarixlərində xüsusi qayğıya ehtiyacı olan gənclərin, əlilliyi olan və sağlamlıq imkanları məhdud 18 yaşınadək uşaqların başqa vətəndaşlarla bərabər imkanlar almasına, öz fərdi qabliyyətlərinə və maraqlarına müvafiq surətdə həyat sürməsinə və xüsusi qayğıya ehtiyacı olan gənclərin ictimai sosial həyata inteqrasiyasının təmin olunmasına kömək göstərmək məqsədilə “Əyləncəli oyunlar klubu” təşkil olunacaqdır.

Bu tədbirlərdə maraqlara uyğun olaraq şahmat, dama və futbol idman növləri üzrə əyləncəli oyunlar keçiriləcəkdir. Bundan başqa, sağlam həyat tərzinin təbliğ olunması və bu sahədə olan qanunvericilik haqqında məlumat bazasının verilməsi və geniş profilli PR fəaliyyəti nəzərdə tutulur.