[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/IMG_1717.jpg” ]
“Üfüq” Gənclərin İnkişafı Naminə İctimai Birliyi Azərbaycan Respublikasının Prezidenti yanında Gənclər Fondu tərəfindən maliyyələşdirilən “Birlikdə bacararıq-zərərli vərdişlər əleyhinə Forum Teatr” layihəsinin icrasını həyata keçirir.
Birliyin icraçı direktoru Nahid Quliyev bildirmişdir ki, layihənin əsas məqsədi gənclərimizi zərərli vərdişlərdən çəkindirmək, sağlam həyat tərzi ilə bağlı informasiya çatışmazlığını aradan qaldırmaq, təhsildən yayınma hallarının azaldılmasına töhfə vermək, gənclərin asudə vaxtının səmərəli keçirilməsinə nail olmaqdır. Bu sahədə çoxsaylı treninqlər, seminarlar keçirilsə də eyni tipli metodlar və məlumatlar gəncləri yorur və layihələrin effektivliyini itirir. Bunu nəzərə alaraq, Birlik qeyri-ənənəvi və kreativ yanaşma üsulu olan “Forum Teatr” vasitəsilə gəncləri zərərli vərdişlərdən uzaqlaşdırmağa çalışıb.
Layihə çərçivəsində 28 may 2013-cü il tarixində Bakı şəhəri Nizami rayonu 129 saylı orta məktəbdə “Birlikdə bacararıq” adlı Forum Teatr keçirilmişdir. Layihənin açılışında Azərbaycan Respublikasının Gənclər və İdman Nazirliyi yanında Gənclərlə İş üzrə İctimai Şuranın sədri Nurəddin Mehdiyev, Nizami rayonu Gənclər və İdman İdarəsinin rəisi Elşən Mirzəyev, Nizami rayonu 129 saylı orta məktəbin direktoru Samir Mehdizadə və Bakı Uşaq Teatrının direktoru-bədii rəhbəri İntiqam Soltan çıxış edərək layihənin əhəmiyyətini bir daha vurğulamışlar.
Daha sonra teatr nümayişi vasitəsilə gənclər zərərli vərdişlər barəsində məlumatlanmışlar. Nümayişdən sonra iştirakçı gənclərlə müzakirələr keçirilmişdir. Layihə iştirakçılarına yazılı köynəklər, zəruri əyani vəsaitlər, nəşr materialları paylanılmışdır. Forum teatrların keçirildiyi ərazilərdə olan digər gənclərə də sağlam həyat tərzi ilə bağlı nəşr məhsulları verilmişdir.
Nümayişdən sonra “Teatr forumçular şəbəkəsi” yaradılmışdır. Bu şəbəkəyə daxil olan istedadlı gənclərimiz gələcəkdə qeyri-ənənəvi, kreativ üsulla digər gənclərimizi maarifləndirəcək, düşündürəcək və eyni zamanda onlarda teatr mədəniyyətinə maraq oyadacaqlar.
Layihə çərçivəsində “Sağlamlıq məndən başlayır” devizi altında forum-teatrçı gənclər tərəfindən “fləşmob” keçirilmişdir.
Növbəti Forum Teatr Göyçay rayonunda keçiriləcəkdir.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”7073″ id=”7073″ imageeffect=”reflection” imgheight=”154″ imgwidth=”240″ width=”980″ /]
