[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/IMG_5313.jpg” ]

Azərbaycan Respublikasının Prezidenti yanında Gənclər Fondunun maliyyə dəstəyi və Azərbaycan Tələbə Gənclər Təşkilatları İttifaqının və Xəzəryanı Gənclər Birliyinin təşkilati dəstəyi ilə “Auditoriya +” layihəsi həyata keçirilib. Məlum layihə Azərbaycan Respublikasının Prezidenti yanında Gənclər Fondunun elan etdiyi qrant müsabiqəsi çərçivəsində fərdi layihə olaraq qalib seçilmişdir.

Layihənin əsas məqsədləri gənclərin bədii əsərlərə, teatra maraqlarını artırmaq, yeni tədris metodu ilə gəncləri yeni biliklərə yiyələndirmək olmuşdur. Bundan əlavə, layihə iştirakçılara məlumat əldə etməyin, əsər öyrənməyin qeyri-ənənəvi metodunu təklif edir.

Şəmsi Gülverdinin rəhbəri olduğu sözügedən layihə Şuşa Dövlət Musiqili Dram Teatrının aktyorlarının iştirakı ilə 23 may 2013-cü il tarixində Bakı Slavyan Universitetinin böyük akt zalında reallaşdırılıb. Layihə çərçivəsində dahi mütəfəkkirimiz, maarifçi Mirzə Fətəli Axundovun “Sərgüzəşti Vəziri Xani Lənkəran” əsəri səhnələşdirilib. Eyni zamanda, əsər ədəbiyyatçı tərəfindən izah olunub. Layihənin əsas özəlliklərindən biri də göstərilən tamaşanın tələbələrin tədris sisteminə uyğun olması, dərs yükündə əks olunmasıdır.

İştirakçılar tərəfindən böyük rəğbətlə qarşılanan layihənin daha da genişləndirilməsi planlaşdırılır.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”7106″ id=”7106″ imageeffect=”reflection” imgheight=”154″ imgwidth=”240″ width=”980″ /]