[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/sardar1.jpg” ]
Azərbaycanın bölgələrində kitabın və ədəbiyyatın inkişafı naminə Azərbaycan Gənclər Fondu tərəfindən dəstəklənən “Ədəbiyyat Şəbəkəsi” layihəsi çərçivəsində Xaçmazda yaşayan gənc yazar Sərdar Aminin kitabı çap olunub. Bu layihə çərçivəsində Quba və Xaçmazda kitab müzakirəsi də keçiriləcək. Müzakirə RTV-nin “Yeni səhifə” ədəbi verilişinin “Kitab klubu” rubrikasında efirə gedəcək.
Sərdar Amin (Tağıyev) 1988-ci ildə Qubada doğulub. Qusarın Aşağı Ləgər kəndində yaşayır. Quba Dövlət Sosial-İqtisadi Kollecini bitirib. Bakı Slavyan Universitetinin “Yaradıcılıq” fakultəsində təhsil alıb. Televiziyada çalışır. “Qaratoyuq nəğməsi” müəllifin ilk kitabıdır.
“Ədəbiyyat Şəbəkəsi” layihəsi Azərbaycan Gənclər Fondu tərəfindən dəstəklənən layihədir. Layihənin əsas məqsədləri:
1. Bölgələrdə yaşayan gənclərin kitaba həvəsini artırmaq;
2. Kitabı, ədəbiyyatı ictimailəşdirmək və aktuallaşdırmaq;
3. Bölgələrdə yaşayan gənc kitabsevərlər arasında şəbəkələşmə yaratmaqdır.
Bunun üçün layihə çərçivəsində 6 ay ərzində Azərbaycanın 11 bölgəsində kitab müzakirələri təşkil olunacaq, kitabsevərlərə pulsuz kitab paylanacaq, yazıçıların imza günləri təşkil olunacaq.
