[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/31.jpg” ]

Azərbaycan Respublikasının Prezidenti Yanında Gənclər Fondunun dəstəyi ilə “Gənc rəssamların sərgisi” təşkil edilib. “Öndər” Elm Mərkəzində baş tutan sərgidə layihənin rəhbəri Məhəmməd Xəlilov çıxış edərək gənc rəssamların bu layihəyə cəlb edilməsi və onların yaradıcılıq qabiliyyətinin üzə çıxarılması üçün aparılan işlər barədə məlumat verib. O, gənclər tərəfindən çəkilmiş rəsm əsərlərini yüksək qiymətləndirdiyini deyib və bu cür layihələrin gələcəkdə davam etdiriləcəyini vurğulayıb.

Layihənin eksperti Ənvər Börüsoy da layihə çərçivəsində gənclərlə maraqlı müzakirələr aparıldığını, həmin gənclərin yaradıcılıq qabiliyyətinin yüksək olduğunu bildirib. Börüsoy çəkilən rəsmlərdə gənclərin daxili aləminin, onların həyata baxışlarının, yeniyetmə və gənclik arzularının təsvir edildiyini də qeyd edib. O, əlavə edib ki, gənclərin əl işlərində Azərbaycan rəssamlığının izləri aşkar şəkildə görünür.

Sərgi iştirakçıları da çıxışlarında bu layihənin həyata keçirilməsini müsbət qiymətləndirdiklərini və gənc rəssamların əl işlərinin onlarda böyük maraq yaratdıqlarını bildiriblər.