[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/09/581397_145070815634490_1176819949_n.jpg” ]
“Gəncliyin Elmi Mədəni İnkişafı” İctimai Birliyinin Şəki Regional Nümayəndəliyinin ofisində Azərbaycan Gənclər Fondu tərəfindən maliyyələşdirilən Dəyanət Elman oğlu Sadıqovun hazırladığı “Gəncliyə Yardım Proqramı” layihəsində nəzərdə tutulan ilk “Özünü brendləşdir” adlı təlim keçirilmişdir. “Gəncliyə Yardım Proqramı”nın həyata keçirilməsində məqsəd təhsilin inkişafında müasir qaydaların tətbiq olunması, gənclərdə könüllülük prinsiplərinin təbliği, azyaşlı qızların erkən nigahlarına qarşı mübarizə, gənclərin şəxsi potensialının üzə çıxarılmasına dəstək olmaqdır.
Təlimdə “GEMİ” İB-nin üzvləri, müxtəlif yerli qeyri-hökumət təşkilatlarının nümayəndələri, tələbə gənclər iştirak etmişlər. Təlim “GEMİ” İB-nin Şəki regional nümayəndəliyinin sədri Dəyanət Elmansoy tərəfindən aparılmışdır. Təlim iki hissədən ibarət olmuşdur. Əvvəlcə “GEMİ” İB Şəki Regional Nümayəndəliyinin sədri Dəyanət Elmansoy “Gəncliyə Yardım Proqramı” layihəsi və təlim haqqında iştirakçılara məlumat verdi. Təlimin birinci hissəsi tanışlıq, psixoloji motivasiya, “Öz brendini təqdim et” adlı oyundan ibarət oldu. Çay fasiləsindən sonra ikinci hissədə təlim iştirakçıları arasında maraqlı müzakirələr aparıldı. Sonda iştirakçılar arasında təlimin yazılı surətdə qiymətləndirilməsi aparıldı.
Qeyd edək ki, Azərbaycan Gənclər Fondu tərəfindən maliyyələşdirilən“Gəncliyə Yardım Proqramı” layihəsinin bir hissəsi olan təlimlər mütəmadi olaraq Şəkinin orta məktəbləri, universitet və kolleclərində, həmçinin Şəkinin bir sıra kəndlərində keçiriləcəkdir. Növbəti həftə “GEMİ” Şəki Regional Nümayəndəliyinin ofisində yeni mövzuda “Məqsədlərə necə çatmaq olar?” mövzusunda təlim keçiriləcəkdir. Təlimlərdə iştirak etmək istəyən şəxslər “GEMİ” İB Şəki Regional nümayəndəliyinin sədri Dəyanət Elmansoy ilə əlaqə saxlaya bilərlər.
Ünvan: Şəki şəhəri, 20 yanvar küçəsi
Tel.: (055) 794 55 50
E-mail: [email protected]
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”2487″ id=”2487″ imageeffect=”reflection” imgheight=”154″ imgwidth=”240″ width=”980″ /]
