Azərbaycan Respublikasının Prezidenti yanında Gənclər Fondunun  maliyyə dəstəyi ilə 10-cu qrant müsabiqəsinin qalibi – Sevinc Nəcəfovanın həyata keçirdiyi “Gənc fotoqrafların vətənpərvərlik ruhunda çəkdikləri foto – rəsmlərinin sərgisinin təşkili” adlı layihə çərçivəsində baxış-sərginin açılışı oldu. Layihə rəhbəri Sevinc Nəcəfova  baxış-sərgini açıq elan edərək, ilk növbədə Gənclər Fonduna təqdim etdiyi adıçəkilən layihənin dəyərləndirildiyinə görə dərin təşəkkürünü bildirdi. Daha sonra o, layihə və onun məram-məqsədi haqqında tədbir iştirakçılarını məlumatlandırdı.
S.Nəcəfova layihə haqqında məlumat verərkən iştirakçı gənclər tərəfindən obyektivə alınan fotolar haqqında özünün şəxsi fikirlərini söylədi. Sərgidə iştirak edən gənclərin xüsusi bacarığa malik olduqlarını tədbir iştirakçılarının diqqətinə çatdırdı və gənclərə uğurlar arzuladı.
Sərgi Binəqədi Gənclər evində 4  gün ərzində davam etmişdir. Bağlanış mərasimində qonaq qismində dəvət olunmuş ”Gənclər Azad Sahibkarlıq Fəaliyyətində” İçtimai Birliyinin sədri Kəmalə Məmmədli və “Mədəniyyət və Sənətkarlıq” Mərkəzinin nəzdində 13№ li Bakı Peşə Məktəbinin müəllimi Aysel Əliyeva da çıxış etdilər. Aysel Əliyeva çəkilən fotolara bir müəllim gözü ilə baxıb fikrini bildirərək söylədi ki, çəkilən şəkillərdə vətənpərvərlik ruhunun hər kəsin düşüncəsində fərqli obrazlarda olduğunu diqqətə çatdırıb. K.Məmmədli isə, çıxışında layihə iştirakçısı olan gəncləri əsası Ulu öndər Heydır Əliyev tərəfindən qoyulmuş və gənclərə hədiyyə olunmuş 02 fevral Gənclər Günü münasibətilə təbrik etdi və onlara gələcək yaradıcılıq işlərində yeni-yeni nailiyyətlər arzuladı. Daha sonra layihə üzrə ekspert, “Yeni Həyat” Humanitar və Sosial Dayaq İctimai Birliyinin sədri Nailə İsmayılova qeyd etdi ki, Dövlət Gənclər Siyasətinin həyata keçirilməsində əldə edilən nailiyyətlərdə ölkə başçısı cənab İlham Əliyevin sərəncamı ilə qəbul olunmuş və müxtəlif dövləri əhatə edən Dövlət Proqramlarının böyük  rolu olmuşdur və həmin ənənə bu gün də davam edir. O, ölkə gənclərinə göstərilən diqqət və qayğının Azərbaycan Respublikası dövlət siyasətinin vacib tərkib hissəsini təşkil etdiyini vurğulayıb. Nailə İsmayılova onu da qeyd edib ki, icra olunan layihənin məqsəd  istedadlı gənclərin cəmiyyyətə təqdim olunması, onların  özlərini inkişaf etdirmək və istedadlarının ön plana çıxarılmasında yardımçı olmaqdır.
Tədbirin sonunda gənclərə diplom və hədiyyələr təqdim olundu. Yekunda tədbir iştirakçıları və qonaqlarla birgə  xatirə şəkili çəkildi.