Azərbaycan Respublikasının Gənclər Fondunun dəstəyi ilə “Yaddaş” maarifçi gənclər ictimai birliyi tərəfindən “Şəki gəncləri arasında “İNTELLEKT” kuboku – Şəki birinciliyi” intellektual yarışma layihəsinin ilk mərhələsi keçirilmişdir. Yarışmada Şəkidə təhsil alan tələbə gənclər və şəhərin ictimai fəal gənclərindən ibarət komandalar iştirak etmişdir.  Layihəni giriş sözü ilə birliyin sədri Vüqar İlyasov açmış və  iştirakçılara birlik haqqında məlumat vermişdir. O, bildirmişdir ki, 2006 – ci ildən Şəkinin ictimai həyatında aktiv rol oynayan “Yaddaş”MGİB gənclərin maarifləndirilməsi , intelektual səviyyələrinin artırılması üçün bir çox layihələr həyata keçirmiş və  bu layihələrin keçirilməsində  Gənclər Fondunun dəstəyi çox böyük olmuşdur. Daha sonra layihə rəhəri Pakizə İsrafilova layihə haqqında gənclərə məlumat vermişdir. Daha sonra sualların səsləndirilməsi ilə yarışma başlamışdır. Gərgin mübarizə şəraitində keçən yarışmada “ASAN TEAM” komandası yarışmanın qalibi olmuşdur. İlk 3 yeri tutan “ASAN TEAM” “NUXA” və “ROMAN” komandaları final mərhələsinə vəsiqə qazanmışlar. Mərhələnin qaliblərinə medal və sertifikat təqdim olunmuşdur.