Azərbaycan Respublikasının Gənclər Fondu BEYNƏLXALQ TƏŞKİLATLARIN TƏCRÜBƏLƏRİNİN ÖYRƏNİLMƏSİ MƏQSƏDİLƏ AVROPA PARLAMENTİNƏ (Brüssel şəhəri) NÖVBƏTİ TƏCRÜBƏ SƏFƏRİ ilə bağlı ərizələrin qəbulu üçün müsabiqə elan edir         

Təcrübə səfəri haqqında:
Müsabiqə çərçivəsində 16-29 yaş arasında olan  Azərbaycan Respublikası vətəndaşları  beynəlxalq təcrübənin öyrənilməsi məqsədi ilə 18 may 2019-cu il tarixindən 16 iyun 2019-cu il tarixinədək Avropa Parlamentinə (Brüssel şəhərinə) 1 aylıq təcrübəyə göndərilir.

Avropa Birliyi ilə artıq razılaşdırılan təcrübə proqramını gənclərin diqqətinə təqdim edirik:

19 may

• Ümumi məlumatlandırıcı görüş
• Şəhər turu

20 may

• Avropa İttifaqı barədə məlumatlandırıcı görüş
• Avropa Parlamentinə ilk ziyarət

21 may

• Avropa Parlamenti barədə məlumatlandırıcı görüş
• Avropa Parlamenti seçkiləri barədə araşdırma

22-23 may

• Avropa Parlamenti seçkiləri barədə araşdırma
• Tədbirlərin təşkilində köməkliyin göstərilməsi

24 may

• Qiymətləndirmə seminarı

26 may

• Avropa Parlamenti seçkilərinə həsr olunmuş ziyafətdə iştirak

27 may

• Avropa Parlamenti seçkiləri ilə bağlı aparılan ictimai müzakirələrdə iştirak

28 may

• Avropa Parlamenti seçkiləri ilə bağlı aparılan ictimai müzakirələrdə iştirak
• 28 may Respublika gününün qeyd edilməsi

29 may

• Avropa Parlamenti seçkiləri ilə bağlı aparılan ictimai müzakirələrdə iştirak

3-7 iyun

• Avropa Parlamentinin siyasi qruplarının yaradılması ilə bağlı təşkil edilən daxili görüşlərdə,
• Mətbuat konfranslarında,
• Avropa Parlamentinin rəsmi və qeyri-rəsmi tədbirlərində,
• Açılış sərgisində iştirak

10-14 iyun

• Avropa Parlamentinin siyasi qruplarının yaradılması ilə bağlı təşkil edilən daxili görüşlərdə,
• Mətbuat konfranslarında,
• Avropa Parlamentinin rəsmi və qeyri-rəsmi tədbirlərində iştirak

17-20 iyun

• Avropa Parlamentinin siyasi qruplarının yaradılması ilə bağlı təşkil edilən daxili görüşlərdə,
• Mətbuat konfranslarında,
• Səfirliklə görüşdə,
• Əməkdaşlıq konfransında iştirak

21 iyun

• Bağlanış ziyafəti

Müsabiqəyə müraciət qaydası:
Müraciət etmək istəyənlər Azərbaycan Respublikasının Gənclər Fondunun rəsmi saytında qeydiyyatdan keçib, kod və şifrə əldə etdikdən sonra, saytın elektron xidmətlər bölməsində yerləşdirilmiş ərizə formasını (SƏFƏR QRANTI/Beynəlxalq təşkilatların təcrübə proqramlarında iştirak (Brüssel)) müvafiq qaydada doldurub, sayt üzərindən Fonda göndərməlidirlər.

Müsabiqə əsasında seçim zamanı gəncin təhsil göstəriciləri və dil bilikləri əsas götürüləcəkdir.

Müsabiqənin müddəti:
18 fevral 2019-cu ildən – 04 mart 2019-cu il saat 18:00-dək müraciətlər qəbul ediləcəkdir. Fond tərəfindən müraciətlərə 18 iş günü ərzində baxılacaqdır.
Nəticələr barədə məlumat Fondun rəsmi internet səhifəsində və mətbuatda dərc olunacaqdır.

Müsabiqəyə ərizə təqdim etmək hüququ olan şəxslər:
Müsabiqəyə orta təhsili bitirmiş və ən az bakalavr təhsilinin 2-ci və daha yuxarı kurs tələbəsi olan,16-29 yaş arası Azərbaycan Respublikasının vətəndaşları, müraciət etdiyi təşkilatın işçi dilini bilən gənclər burada göstərilmiş ərizə formasını müvafiq qaydada doldurub, təqdim edə bilərlər.

Müsabiqə üzrə dəstəklənən xərclər:
Beynəlxalq təşkilatların təcrübələrinin öyrənilməsi məqsədi ilə təcrübə səfərində iştirak edənlərin  xərcləri dəvət edən beynəlxalq təşkilatın ödəmədiyi ehtiyac üzrə aşağıdakı xərclər qarşılanır:

• viza xərcləri;
• tibbi sığorta xərcləri;
• yaşayış (yataqxana, gündəlik qida və digər) xərcləri;
• yol (bir dəfə ölkəyə gediş-gəliş (aviabilet)) xərcləri.