Azərbaycan Respublikasının Gənclər Fondunun maliyyə və Azərbaycan-Avropa Gənclərinin Əməkdaşlığı ictimai birliyinin təşkilatçılğı ilə “Region gənclərinin Avropa Start-Up təcrübəsinin öyrənilməsi” adlı layihə icra edilmişdir. Layihənin məqsədi Gəncə, Qəbələ və Şəki şəhərlərində yaşayan gənclərə Avropada mövcud olan Start-Up təcrübəsini öyrətmək, ölkəmizdə bu sahədə mövcud şərait və imkanlarla yaxından tanış etmək, onların müvafiq vərdiş və bacarıqlarını artırmaqdan ibarətdir. Layihə çərçivəsində ilk tədbir Gəncə şəhər Gənclər və İdman Baş İdarəsi və Gəncə şəhər Gənclər evinin təşkilatı dəstəyi ilə Gənclər evində baş tutmuşdur. Tədbirdə 50-dən çox tələbə və gənc iştirak etmiş, onlara layihəni icra edən təşkilat, Azərbaycan Gənclər Fondu və layihənin məqsədi haqqında məlumat verilmişdir.
Daha sonra təlim keçirilmiş və Avropa Start-Up təcrübəsi və ölkəmizdə mövcud imkanlar barədə geniş məlumatlar verilmişdir. Layihə çərçivəsində gənclərə müvafiq məlumatlandırıcı bukletlər, qovluqlar, qeyd dəftərləri və qələmlər təqdim edilmişdir. Təlimdə iştirak edən hər bir gənc layihədə iştirak etdiyi üçün sertifikatla təltif edilmişlər. Sonda xatirə şəkli çəkdirilmişdir.
