Mayın 31-i Bakı Konqres Mərkəzində Gənclər Fondunun maliyyə dəstəyi, Gənclər və İdman Nazirliyi, Təhsil Nazirliyi, Gənclər və İdman baş idarəsi və Azərbaycan Tələbə Gənclər Təşkilatları İttifaqının təşkilati dəstəyilə Azərbaycan KVN TV Liqasının l mövsümünün  final mərhələsi və Azərbaycan KVN Liqasının 5 illiyinə həsr olunmuş “Çempionlar Kuboku-2019” keçirilib. Final mərhələsində 5 komanda çıxış edib. 3 konkursdan ibarət oyunda komandalar çempionluq ücün mübarizə aparıblar. Sonda çempionluq iki komanda arasında bölünüb. Xalqı təmsil edən “Xalxın Uşağları” komandası və Azərbaycan Dövlət Bədən Tərbiyəsi və İdman Akademiyasını təmsil edən “FizAka”, 2-ci yerə Bakı Dövlət Universitetinin “Bakı Dövlət Yığması” komandası layiq görülüb. “Qızlar Batalyonu” və Azərbaycan Dövlət Neft və Sənayə Universitetini təmsil edən “Azii 1920” komandaları 3-cü yeri öz aralarında bölüşdürüb. Həmçinin, oyunun  ən yaxşı aktyoru “Xalxın Uşağları” komandasının kapitanı-Hüseynəli Şahverdiyev və gecənin ən yaxşı aktrisası “Qızlar Batalyonu” komandasının iştirakçısı – Mehriban Hüseynova seçiliblər. Finalın ən kreativ komandası adına isə “Azii 1920” komandası layiq görülüb. Oyunun sonunda bütün komandalar diplomlar və  hədiyyələr qazanıb. “Çempionlar Kuboku-2019” – un sahibi isə  Azərbaycan Dövlət Neft və Sənayə Universitetini təmsil edən “AzNeft” komandası, ikinci yer  “Qorod 313” (Şimali Osetiya), üçüncü yer – “Dobriye Lyudi” (Dağıstan) komandaları olub.