[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/IMG_1211.jpg” ]
Azəri Gənclər Alyansı 18 iyun 2013-cü il tarixində Beynəlxalq Mətbuat Mərkəzində “Xaricdə təhsil alan gənclərin seçkilərdə rolu” mövzusunda dəyirmi masa təşkil etmişdir. Azərbaycan Respublikasının Prezidenti yanında Gənclər Fondunun maliyyə dəstəyi ilə keçirilən toplantıya millət vəkilləri, QHT rəhbərləri, hazırda xaricdə təhsil alan və məzun olmuş gənclər və media mənsubları qatılıblar.
Tədbiri giriş sözü ilə açan Azəri Gənclər Alyansının sədri Leyla Məmmədli bildirib ki, xaricdə təhsil alan Azərbaycanlı gənclərin seçkilərdə fəal iştirakı vətəndaş cəmiyyətinin inkişafında xüsusi rol oynayır. Xaricdə təhsil alan və məzun olmuş gənclərin potensial qüvvəsindən ölkəmizin tərəqqisi naminə daha çox istifadə olunması üçün təşkilat qarşıdan gələn seçkilərdə gənclərin fəallığını artırmaq naminə bir sıra mühüm işlər görmək niyyətindədir.
Sonra çıxış edən millət vəkili Sevinc Hüseynova, Azərbaycan Gənclər Fondunun sektor müdiri Vaqif Seyidbəyov, ASAIF-in sədri Ramin Həkimov, AGAT-ın sədri Gülsel Səfərova, Avropa Hərəkatının sədri Ramin Hacılı, İrəli İB-nin həmtəsisçisi Elnarə Qəribova, AAA-ın baş katibi Rövşən Nəcəfov və seçki məsələləri üzrə təcrübəli ekspertlər Şəfəq Mehralıyeva və Vəsilə Əbilhəsənova qeyd ediblər ki, seçki kampaniyalarında xarici ölkələrdə ali məktəblərdə təhsil alan və təhsilini bitirib geri dönən gənc mütəxəssislərin bilik və bacarıqlarından lazımınca istifadə edilməlidir.
Sonda mövzu ətrafında geniş müzakirələr aparılıb və çıxış edən gənclər Azərbaycanda keçiriləcək seçkilərdə hazırda xaricdə təhsil alan və xaricdə təhsilini bitirərək vətənə dönən tələbələrin fəallaşdırılması və onların apardığı təbliğat nəticəsində seçki kampaniyalarında passiv iştirak edən gənclərin seçkilərə fəal qoşulmasının təmin edilməsinin əhəmiyyətindən söz açaraq bu sahədə nöqsanların aradan qaldırılması, növbəti addımların müəyyən edilməsi üçün təkliflər veriblər.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”7667″ id=”7667″ imageeffect=”reflection” imgheight=”154″ imgwidth=”240″ width=”980″ /]
