[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/06/DSC_0007.jpg” ]
Azərbaycan Respublikasının Prezindenti yanında Gənclər Fondunun maliyyə dəstəyi ilə “Regionlarda gənc qadınların cəmiyyətə inteqrasiyasında qanunvericiliyin təbliği” layihəsi uğurla davam edir. Layihə 2013-cü ilin aprel-iyul aylarını əhatə edir. Layihənin ünvanlandığı əhali qrupu əsasən Xaçmaz rayonunda yaşayan 18-35 yaş arası gənc qadınlardır.
Beynəlxalq sənədlərdə və Azərbaycan qanunvericiliyində gənc qadınların ictimai-siyasi həyatda iştirakını təmin etmək üçün bir sıra hüquqi sənədlər qəbul edilmişdir. Həmin sənədlərdə qadınların inkişaf istiqamətləri, idarəetmə prosesində yeri, cəmiyyətin mədəni həyatında fəal iştirakı istiqamətində konkret olaraq müddəalar göstərilmişdir.
Birlik 2013-cü ilin yanvar ayında 4 regionda-Siyəzən, Şabran, Quba və Xaçmaz rayonlarında sosial sorğu keçirmiş və qadına münasibətlə bağlı onları narahat edən başlıca problemlər öyrənilmişdir. 300 nəfər müxtəlif təbəqədən olan gənc qadın arasında keçirilmiş sorğular 4 regionda, hər regionda 75 nəfər olmaqla (25 nəfər subay, 25 nəfər ailəli, 25 nəfər boşanmış və ya dul) keçirilmişdir.
Layihənin əsas məqsədi regionlarda gənc qadınların cəmiyyətə aktiv inteqrasiyasını təmin etmək üçün Azərbaycan Respublikası Prezidentinin Sərəncamları, Fərmanları və Beynəlxalq hüquqi normativ sənədlərin təbliği işini təşkil etməkdir.
Layihədə əsas məqsədə çatmaq üçün aşağıdakı vəzifələrin yerinə yetirilməsi nəzərdə tutulur:
-Gənc qadınların Azərbaycan Respublikası Prezidentinin Sərəncamları, Fərmanları və Beynəlxalq hüquqi normativ sənədlərin təbliği işini təşkil edərək dəyirmi masalarının təşkili;
-Region əhalisinin maarifləndirilməsi;
-TV müzakirələrdə ictimai məlumatlandırmanın təşkili;
-Qanunvericiliyin müddəalarının izah edilməsi;
-Gənc qadınların inkişafına nail olmaq;
-Gender bərabərliyi mədəniyyətinin təbliği.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”7307″ id=”7307″ imageeffect=”reflection” imgheight=”154″ imgwidth=”240″ width=”980″ /]
