[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/PICT0119.jpg” ]

Azərbaycan Respublikasının Prezidenti yanında Gənclər Fondunun “C” kateqoriyası üzrə qrant müsabiqəsinin qalibi, Şəki şəhər sakini Yusifli Yusif “Tarix tələbələrin gözü ilə” adlı layihə çərcivəsində 30 may 2013-cü il tarixində növbəti təlim keçirmişdir. Təlimdə tələbələr və gənclər təşkilatlarının nümayəndələri iştirak etmişlər. Təlimdə layihə iştirakçıları bölgələrindəki tarixi abidələrdə apardıqları araşdırma materiallarını və məlumatları layihə rəhbərinə təqdim etmişlər. Təqdim edilmiş materiallar və foto şəkillər nümayiş etdirilib. Həmçinin, iştirakçılar araşdırmaları və rastlaşdıqları çətinliklər haqqında məlumat vermişlər.

Dəvət olunmuş qonaqlar da layihənin region tarixinin öyrənilməsi üçün vacib olduğunu və region tarixinin və abidələrinin tələbələr tərəfindən araşdırılmasının bu sahəyə gənc mütəxəssislərin yönəlməsi istiqamətində vacib addım olduğunu da bildirmişlər. Təlim tələbələrin suallarının cavablandırılması ilə yekunlaşıb.

[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”7174″ id=”7174″ imageeffect=”reflection” imgheight=”154″ imgwidth=”240″ width=”980″ /]