[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/05/IMG_6035.jpg” ]

Sumqayıt Tələbələr İttifaqı Azərbaycan Gənclər Fondunun maliyyə dəstəyi ilə “Sumqayıtda tələbələrin karyera inkişafı” layihəsi çərçivəsində 25-27 may 2013-cü il tarixlərində Sumqayıtda yerləşən ali və orta ixtisas təhsili müəssisələrinin tələbələrinə karyera inkişafı ilə bağlı təlim keçib. Təlim çərçivəsində tələbələr şəxsi iş axtarma strategiyasının qurulması, şəxsi peşəkarlığın və arzu olunan karyeranın inkişaf etdirilməsi üçün zəruri olan bacarıqların obyektiv dəyərləndirilməsi, CV və niyyət məktubunun hazırlanması haqqında məlumatlandırılıblar. Təlim zamanı interaktiv oyunlar, qrup işləri və simulyasiyalardan istifadə olunub. Eyni zamanda, treninq iştirakçılarına mövzu ilə bağlı müxtəlif elektron və çap materialları təqdim edilib.