Yarışa 8 liqa və liqada 4 komanda qatılmaqla ümümilikdə 31 ölkədən komandalar iştirak edib. Azərbaycan komandası Nigeriya və Brazliyia komandalarını üstələyərək yarımfinala vəsiqə qazanıb. Qeyd edək ki, ENACTUS Azərbaycan  komandası son 14 il ərzində ilk dəfə Enactus Dünya Kuboku 2019-un yarımfinal mərhələsinə qədər yüksəlib.

Enactus (Entrepreneurial Action Us) beynəlxalq proqramının əsası 1975-ci ildə ABŞ universitetləri tərəfindən qoyulmuşdur. 1996-cı ildən etibarən dünyanın bir çox ölkələrində proqram üzrə milli yarışlar keçirilməyə başlanılmış və 2001-ci ilin iyul ayında ilk dəfə Londonda Dünya Kuboku yarışı keçirilmişdir. 2005-ci ildən Azərbaycan “Enactus” proqramına qoşulmuş, Dünya Kubokları yarışlarında iştirak etmək hüququnu qazanmışdır. Dünya üzrə “Enactus” proqramına 50-ə yaxın ölkə, 1600-dan çox ali təhsil müəssisəsi və 50000-dən çox tələbə qoşulmuşdur.