[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/04/images.jpg” ]

DVC (“Vətəndaş Cəmiyyətində Debat” İctimai Birliyi) Azərbaycan Respublikasının Prezidenti yanında Gənclər Fondu ilə birgə “Youth Inc.” (“Gənclər Korparasiyası”) proqramı çərçivəsində gənclər üçün pilot layihəsini davam etdirir.

Layihə paytaxtda və digər böyük şəhərlərdə yaşayan gənclərə biznes və sahibkarlıq haqqında kifayət qədər bilik və bacarıqların verilməsinə, gənclərin biznes qurmasına real imkanlar yaradır. Yaradılmış Biznes Klublar çərçivəsində gənclər artıq peşəkar sahibkarlarla, biznesmenlərlə daimi ünsiyyətdə olacaq, vergilər sistemi, biznes-kreditlər sistemi və s. haqqında ətraflı məlumatlandırılacaqlar.

Layihə çərçivəsində Bakı, Sumqayıt, Gəncə və Şəki şəhərlərində 900 nəfər gənc üçün silsilə təlimlər və seminarlar keçirilməsi nəzərdə tutulmuşdur və artıq 30 təlimçidən ibarət olan komandalar tərəfindən adı çəkilən şəhərlərdə 905 nəfər gənci əhatə edən 37 təlim keçirilmişdir. Qeyd edək ki, layihəyə fiziki qüsurlu gənclər də cəlb edilmiş və yaranan imkanlardan onlar da yararlanmışdır. Bununla layihənin məqsədlərindən birinə nail olunmuşdur. Təlimlər mütəxəssislər və təcrübəli sahibkarlar tərəfindən hazırlanmış 30 nəfərdən ibarət komanda tərəfindən həyata keçirilir. Gənclər tərəfindən təlimlərə böyük marağın olmasını nəzərə alaraq, silsilə təlimlər may ayında da davam etdiriləcək.

Layihənin növbəti mərhələsi olaraq 4 “Gənclərin Sahibkarlıq Klubları” açılması planlaşdırılır (Sumqayıt – 27.04.13, Gəncə – 15.05.13, Şəki – 17.05.13, Bakı – 24.05.13). Hal-hazırda işgüzar görüşlər, informasiya turları, təqdimatlar daxil olmaqla gənclər üçün silsilə tədbirlər keçirilir.

Sözügedən layihə bu ilin may ayında yekunlaşacaq və pilot layihənin nəticələrinə uyğun olaraq proqram genişləndiriləcək.

Biznes Gənclər proqramları çərçivəsində yaradılan Klublar — bu, yalnız netvorkinq üçün deyil, həmçinin yaxın gələcəkdə effektiv biznes-inkubatorların və sabit gənclər şirkətlərinin qurulması üçün bazadır.

Əlavə məlumat əldə etmək və iştirakçı anketini doldurmaq üçün layihənin web saytına (www.youthinc.dvc.az) daxil ola və yaxud telefonla əlaqə saxlaya bilərsiniz.

Telefon: 012 497 08 46 (əlaqələndirici şəxs – Ülvi Mövsümzadə)