[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2013/02/DSC00249.jpg” ]
“Həyat” Beynəlxalq Humanitar Təşkilatının Azərbaycan Gənclər Fondunun maliyyə dəstəyi ilə icra etdiyi “Yollarda təhlükəsizlik sahəsində gənclərin maariflənməsi” layihəsi çərçivəsində 8 fevral 2013-cü il tarixində Bakı şəhərində fəaliyyət göstərən təhsil müəssisələrinin və təşkilatların fəalları üçün yol təhlükəsizliyi üzrə təlim-seminar keçirilmişdir.
Azərbaycan Respublikası Ədliyyə Nazirliyinin nümayəndəsi V.Rəcəblinin, Azərbaycan Respublikası Səhiyyə Nazirliyinin nümayəndəsi T.Musayevin, Gənclər Fondu nümayəndəsi V.Seyidbəyovun və digər qonaqların iştirak etdiyi təlim-seminarı giriş sözü ilə açan “Həyat” təşkilatının sədri A.Allahverənov təmsil etdiyi təşkilatın bu sahədə həyata keçirdiyi layihə və proqramlar, həmçinin perspektiv işlər barədə ətraflı məlumat verib.
Eyni zamanda, tədbirdə yol təhlükəsizliyi mövzusunun müxtəlif aspektlərinə həsr olunan “Həyat” təşkilatının xətti ilə çəkilmiş “Çıx get”, “Can’t let you go” video kliplərinin, Bakı Şəhər Baş Polis İdarəsinin Dövlət Yol Polis İdarəsi tərəfindən hazırlanmış reklam çarxının və “İrəli” İctimai Birliyinin Hüquq Mərkəzinin icra etdiyi “Avtosfera” layihəsinin təqdimat çarxının nümayişi də keçirilib.
Yol təhlükəsizliyinin həssas nöqtələri və ilk baxışdan hiss olunmayan aspektləri barədə müxtəlif təşkilatların, təhsil müəssisələrinin nümayəndələrinin verdikləri sualları təlimçi və ekspertlər ətraflı şəkildə cavablandırıblar.
Təlimin əvvəli və sonunda aparılmış qiymətləndirmə iştirakçıların yol təhlükəsizliyi sahəsində bilik əmsalının bir təlim zamanı 46% artdığını göstərib. Sonda iştirakçılara yol təhlükəsizliyi sahəsində təbliğat materialları və əyani vəsaitlər paylanıb.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”6049″ id=”6049″ imageeffect=”reflection” imgheight=”154″ imgwidth=”240″ width=”980″ /]
