[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/12/logo.png” ]

Azərbaycan Gənclər Fondunun Strateji planlaşdırma və beynəlxalq əlaqələr sektorunun müdiri Orxan Ərəbov Rusiya Federasiyasının Moskva Ailə və Gənclər siyasəti departamentinin dəvəti ilə Moskvada “Gənclər üçün yararlı şəhərlər” beynəlxalq forumunda iştirak etmişdir.  Forumun əsas məqsədi şəhərlərdə gənclərə yararlı infrastruktur və qurğuların yaradılmasını, xarici ölkələrdən olan gənclər ilə əlaqədar qurumlar və gənclər təşkilatlarının iştirakını müzakirə edib, işlək mexanizmlər üzərində ortaq təcrübə mübadiləsi aparmaq olmuşdur. Forumda 1500-dən çox iştirakçı və beynəlxalq qurum iştirak etmişdir. Azərbaycan Respublikasının Gənclər və İdman Nazirliyi yanında Gənclər Fondu Forumda təmsil olunaraq, müzakirə və işçi iclaslarda aktiv iştirak etmişdir.

Forumun təşkilatçıları Moskva Höküməti, Tələbə İcması, Moskva Gənclər Mərkəzi, Ümumrusiya Tələbə İttifaqı və digər qurumlar olmuşdur.