[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/11/1.jpg” ]
ABŞ Təhsilli Azərbaycan Məzunları İctimai Birliyi (AAA) Azərbaycan Gənclər Fondunun (AGF) maliyyə dəstəyi ilə regionlarda “Uğur hekayəm…” layihəsinin icrasını bitirib.
23 noyabr 2012-ci il tarixində, Qazax rayonunda və 24 noyabr 2012-ci il tarixində isə Gəncə şəhərində “Uğur hekayəm” filminin təqdimatı keçirilib. Film üç gəncin həyat hekayəsindən bəhs edir. Azərbaycan Respublikasının müxtəlif regionlarından olan, xaricdə müxtəlif proqram məzunları olan bu üç gəncin uğur hekayəsi filmdə öz əksini tapıb.
Filmə baxışdan sonra tədbir iştirakçıları tərəfindən film haqqında fikirlər söylənilib. Tədbir zamanı əsas müzakirə region gənclərinin uğur hekayəsinin formalaşmasında stereotiplərin qırılması və valideynlər tərəfindən övladlarının xaricdə təhsil almasına şansların yaradılması olub. Həmçinin, xaricdə təhsil almağın yolları və vacibliyi haqqında məlumat verilib.
Qeyd edək ki, filmin bundan əvvəl Lənkəran, Masallı, Şəki və Zaqatalada təqdimatları keçirilib. Gənclərin uğur hekayələrini dinləmək və onlarla müzakirələr aparmaqla region gəncləri arasında təhsilə maraq və uğurlu karyera qurmaq üçün stimul yaradılması üçün regionlarda təqdimatlar layihə çərçivəsində yekunlaşdırılıb.
Layihəyə yekun olaraq, Bakı şəhərində region gənclərinin film haqqında şərhlərinin geniş ictimaiyyətə təqdim olunması və “Xaricdə Təhsil: Nə itiririk? Nə qazanırıq?” mövzusunda konfransın keçirilməsi nəzərdə tutulub.
[divider_line opacity=”10″ /] [postgallery_grid content=”image” columns=”4″ lightbox=”yes” attached_id=”4716″ id=”4716″ imageeffect=”reflection” imgheight=”154″ imgwidth=”240″ width=”980″ /]
