Azərbaycan Respublikasının Gənclər Fondunun maliyyə və Yeni Azərbaycan Partiyası Binəqədi rayon təşkilatı gənclər birliyinin təşkilati dəstəyi ilə Gənclər Fondunun 11-ci qrant müsabiqəsi çərçivəsində C kateqoriyası üzrə qalib olan, YAP Binəqədi rayon təşkilatı gənclər birliyinin fəalı Aslan Aslanovun «Sağlam Yaşam» adlı layihəsinin yarış günü və bağlanış mərasimi keçirilmişdir.Tədbiri giriş sözü ilə açan layihə rəhbəri Aslan Aslanov Azərbaycan Respublikasının Gənclər Fonduna, gənclərə göstərdiyi dəstəyə görə minnətdarlığını bildirmiş, layihə çərçivəsində keçirilən tədbirlərin əsas məqsəd və hədəflərindən söz açmışdır. Sonra iştirakçılar komandalara bölünərək, futbol hakiminin müşahidəsi ilə oyuna başlamışdır. Yarışda məktəblilər iştirak etmiş, qalib komandalar kuboklarla mükafatlandırılmış və hər bir məktəbli layihədə iştirak etdiyi üçün sertifikatlarla təltif edilmişdir.
