14 dekabr 2018–ci il tarixdə “Gəncliyin Təşəbbüsü” Maarifləndirmə İctimai Birliyi Azərbaycan Respublikasının Gənclər Fondunun maliyyə dəstəyi ilə “Şəhidlərimizi Tanıyaq və Tanıdaq” adlı layihəsinin icrası çərçivəsində 02 mart 2017-ci il tarixdə Ağcabədi-Beyləqan istiqamətində düşmənlə qoşunlarımızın təmas xəttində hərbi gərginliyin artması ilə bağlı şiddətlənən atışma nəticəsində Qazax rayonunun Daş Salahlı kənd sakini şəhid Süleymanov Süleyman Elçin oğlunun məzarı, ailəsi və şəhidin adına Daş Salahlı kəndində salınan bulağı ziyarət etmişdir.
Tədbir iştirakcıları ilk öncə Qazax rayon Daş Salahlı kəndində yerləşən şəhidlər xiyabanında şəhid Suleyman Suleymanovun məzarını ziyarət etmiş, şəhidin məzarı üstünə gül dəstələri qoymuşlar.Tədbirdə layihə rəhbəri, “Gəncliyin Təşəbbüsü” Maarifləndirmə İctimai Birliyinin sədri Azər Əliyev, Qazax Rayon İcra Hakimiyyəti aparatında İctimai-siyasi və humanitar məsələlər şöbəsinin baş məsləhətçisi Sərdar Orucov, Dini Qurumlarla iş üzrə Dövlət Komitəsinin Qazax rayonu üzrə nümayəndəsi Ceyhun Rüstəmov, gənc rəssam Akif Əmirov, rayon Təhsil şöbəsinin nümayəndəsi Pərviz Alməmmədov, Gənclər və İdman İdarəsinin rəis müavini Sahib Namazov, RİHB-nin kənd İƏD üzrə nümayəndəliyinin, kənd bələdiyyəsinin nümayəndələri, şəhidin vaxtilə oxuduğu A.Əmilov adına Daş Salahlı kənd 1 saylı tam orta məktəbin müəllim və şagirdləri, şəhidin ailə üzvləri, yaxınları, doğmaları və KİV nümayəndələri iştirak etmişlərə.
Tədbirdə təşkilat sədri Azər Əliyev “Şəhidlərimizi Tanıyaq və Tanıdaq” layihəsi haqda iştirakcılara ətraflı məlumatlar vermiş, Şəhid Suleyman Suleymanovun keçdiyi döyüş yolundan, mübarizliyindən söhbət açmış həyat yolu haqda danışmış və ailəsinə səbr diləmişdir.
Sonra Şəhid Suleyman Suleymanovun boya başa catdığı ev ziyarət olunmuş və evin bir hissəsində şəhidə aid əşya və şəkillərdən ibarət düzəldilmiş guşəyə baxış kecirilmişdir. Daş Salahlı kəndində Şəhidin xatirəsinə salınmış bulaq tədbir iştirakcıları tərəfindən ziyarət olunmuşdur.
Şəhidin ailə üzvləri Vətən, dövlət, torpaq sevgisinin artırılması, vətənpərvərlik hissinin yüksəldilməsi istiqamətində həyata keçirilən layihəni yüksək qiymətləndirdiklərini bildirmişlər. Övladlarının xatirəsinin əziz tutulmasına görə layihənin təşkilatçılarına və əməyi keçən insanlara minnətdarlıqlarını çatdırmışlar.
