Gənc Vətənpərvərlər Birliyi Azərbaycan Respublikasının Prezidenti yanında Gənclər Fondun maliyyə dəstəyi ilə “Gənclər arasında vətənpərvərlik tərbiyəsinin təşviqi” adlı layihə əsasında Abşeron, Bakı və ətraf rayonlarında maarifləndirmə məqsədi ilə orta ümumtəhsil orta ixtisas və ali məktəblərində, idman cəmiyyətlərində layihənin icrasının başlanması ilə bağlı birliyin növbədən kənar İdarə Heyətinin iclası keçirilib.
İclasda GVB-nin İdarə Heyəti, birliyin yerli təşkilatların təmsilçiləri və fəxri üzvləri iştirak ediblər.
Giriş sözü ilə tədbiri açıq elan edən idarə heyətin üzvü  R.Baxşəliyev gündəlikdə duran məsələləri tədbir iştirakçıların nəzərinə çatdırıb və sözü layihənin rəhbəri M. Əliyevə verib. M. Əliyev qeyd edərək bildirib ki, Gənclər Fondun maliyyə dəstəyi ilə icra olunan layihə ilə bağlı birliyin İdarə Heyətində müzakirə olunmuş və icra planına uyğun olaraq ilk növbədə layihə rəhbəri və mühasibdən ibarət işçi heyəti formalaşdırılıb, əmr və müqavilələr hazırlanıb. Bunun xaricində təşkilatın 14 fəalı da könüllü olaraq layihəyə cəlb edilib. İşçilər arasında müvafiq təlimatlar verilərək iş bölgüsü aparılıb. Bu mərhələdə həmçinin işçi heyətinin kollektiv müzakirəsi əsasında çap ediləcək bukletin məzmunu müəyyənləşdirilib.
Layihə başlama müddəti 1 okktyabr tarixindən 1 yanvar 2018-ci il tarixə kimidir. Layihənin 1-ci mərhələsində gənclərin vətənpərvərlik ruhunda tərbiyə olunması, gənclərin fiziki, psixoloji, fizioloji, ideoloji və mənəvi sağlamlığının artırılması, gənclər arasında təbliğat işinin gücləndirilməsi, sağlam həyat tərzi ilə bağlı fiziki hazırlıq, dözümlülük, mərdlik, təşəbbüskarlıq və zirəkliyin soyuq qanlıq kimi keyfiyyətlərinin artırılması, vətənimiz üçün fiziki cəhətdən sağlam, dövlət və dövlətçiliyimizi hər an qorumağa hazır olması üçün maarifləndirmə işlərini gücləndirmək ilə bağlıdır deyən layihə rəhbəri onu da qeyd edib ki, mərhələ şəkilində oktyabr, noyabr dekabr aylarında Bakı şəhərin Gənclər mərkəzində, ümum təhsil məktəblərinin bir neçəsində və idman cəmiyyətlərində müxtəlif növlü tədbirlər keçiriləcək.