[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2012/10/IMG_8169.jpg” ]
Azərbaycan Respublikası Gənclər və İdman Nazirliyi yanında Gənclər Fondunun malliyyə dəstəyi ilə “Dünya Azərbaycanlı Gənclərinin Beynəlxalq Həmrəyliyi” cəmiyyəti Azərbaycan Turizm institutunda “Mən Azərbaycanlıyam” bilik müsabiqəsini təşkil etmişdir. Ekspert tərəfindən Azərbaycan tarixi, ədəbiyyatı, coğrafiyası ilə bağlı tərtib edilən suallar 3 turdan ibarət olmuşdur. Sonda gərgin keçən yarışmanın qalibi Azərbaycan Turizm İnstitutu tələbəsi Qəhrəmanov Fərid olmuşdur. Bilik yarışmasının qalibi “Dünya Azərbaycanlı Gənclərinin Beynəlxalq Həmrəyliyi” cəmiyyətinin fəxri fərmanı və qiymətli hədiyyə ilə təltif edilmişdir.
Layihə çərçivəsində keçirilən bilik yarışmasının məqsədi ali məktəb tələbələri arasında Azərbaycanın tarixi, ədəbiyyatı, coğrafiyası sahəsində biliklərin yoxlanılması, gənclərimizin maarifləndirilməsi və bilik səviyyələrinin təkmilləşdirilməsidir. Daha sonra layihə çərçivəsində bilik yarışmaları Şəki, Gəncə və Lənkəran şəhərlərində (20 sentyabr-1 oktyabr) yerləşən ali təhsil ocaqlarında təşkil olunacaqdır. Layihə hər bir təhsil ocağında 100 nəfər gənci əhatə edəcəkdir. Sonda ekspert tərəfindən hazırlanmış sualları mükəmməl cavablandıran və müsabiqədə qalib olmuş iştirakçılara hədiyyələr təqdim olunacaq. Layihənin gedişatı barədə müntəzəm olaraq mətbuat və informasiya vasitələri ilə ictimaiyyət məlumatlandırılacaqdır.
