Azərbaycan Respublikasının Gənclər Fondu tərəfindən gənc nəslin innovativ təşəbbüslərini dəstəkləmək, gənclərin yaradıcı potensialını aşkara çıxarmaq üçün onların internet məkanında kreativ rəqəmsal məzmunlar yaratmasını təşviq etmək məqsədilə 18 oktyabr-1 dekabr 2024-cü il tarixlərində gənclər və gənclər təşkilatları üçün ilk dəfə keçirilən “Rəqəmsal” mövzulu Qrant Müsabiqəsinin qalibləri müəyyənləşib.
Fondun Müşahidə Şurasının 25 dekabr 2024-cü il tarixli Qərarına əsasən “A” (yerli layihələr) və “B” (beynəlxalq layihələr) kateqoriyaları üzrə 17 gənclər təşkilatının, “C” (fiziki şəxslərin layihələri) kateqoriyası üzrə isə 55 gəncin layihə təklifinin dəstəklənməsi məqsədəuyğun hesab edilib.
Qrant müqavilələrinin imzalanma tarixi cari ilin 15 yanvar – 15 fevral tarixləri olaraq müəyyən edilib.
Müsabiqə qaliblərinin siyahısı ilə aşağıdakı keçid vasitəsilə tanış ola bilərsiniz:
