Bu il “Gənclərlə, gənclər üçün” devizi altında reallaşdırılan layihənin əsas məqsədi dövlət gənclər siyasəti çərçivəsində formalaşdırılmış imkan və xidmətlərin, xüsusilə məşğulluq, innovasiya və rəqəmsallaşma istiqamətində həyata keçirilən təşəbbüslərin regionlarda yaşayan gənclər üçün daha əlçatan olmasına töhfə vermək olub.

Layihənin Kürdəmirdə baş tutan açılış mərasimi Azərbaycan Respublikasının Dövlət Himninin səsləndirilməsi və Vətənimizin ərazi bütövlüyü və suverenliyi uğrunda şəhid olmuş qəhrəmanlarımızın xatirəsinin yad edilməsi ilə başlayıb. Rəsmi hissədə Kürdəmir Rayon İcra Hakimiyyətinin başçısının müavini Ağali Kərimli və Gənclərin İnkişaf və Karyera Mərkəzinin şöbə müdiri Aqil Quliyev çıxış edərək layihənin gənclər üçün şəxsi inkişaf və karyera planlamasına yönəlik imkanların genişləndirilməsi, onların ictimai fəallığının artırılması baxımından əhəmiyyətini haqqında öz fikirlərini bölüşüblər.

Səyyar Gənclər Xidmətinin Kürdəmirdəki beş günlük zəngin proqramı çərçivəsində “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik” və “Əyləncə” zonaları iştirakçıların böyük marağına səbəb olub. Gənclər bu zonalarda təşkil olunan vörkşoplarda, ustad dərslərində, viktorinalarda və intellektual yarışlarda fəal iştirak edərək həm yeni biliklər əldə edib, həm də praktiki bacarıqlarını inkişaf etdiriblər.

Eyni zamanda həftəboyu Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası və 8 saylı Regional Ekologiya və Təbii Sərvətlər İdarəsi tərəfindən mütəmadi olaraq maarifləndirici sessiyalar, Kürdəmir Peşə Liseyi tərəfindən isə sərgi təşkil edilib. Peşəkar mütəxəssislərin təqdimatında keçirilən təlimlər zamanı isə iştirakçılar ixtisas seçimi, karyera planlaşdırılması, şəxsi inkişaf, süni intellekt texnologiyalarının yaratdığı yeni imkanlar və sağlam həyat tərzi ilə bağlı mövzular ətrafında maraqlı müzakirələr aparıblar.

Qeyd edək ki, noyabr ayınadək ümumilikdə ölkənin 20 şəhər və rayonunda 8 mindən çox gənci əhatə edəcək olan layihə bugünədək Şəki, Oğuz, Qəbələ, İsmayıllı, Ağsu, Şamaxı, Qobustan, Xızı, Lənkəran, Astara, Lerik, Yardımlı və Salyanda uğurla icra edilib.

Əsas məqsədi dövlət gənclər siyasəti çərçivəsində formalaşdırılmış imkan və xidmətlərin, xüsusilə məşğulluq, innovasiya və rəqəmsallaşma istiqamətində həyata keçirilən təşəbbüslərin regionlarda yaşayan gənclər üçün daha əlçatan olmasına töhfə verən layihə bu il “Gənclərlə, gənclər üçün” devizi altında təşkil edilir.

Səyyar Gənclər Xidmətinin növbəti dayanacağı olan Salyanda açılış mərasimi Azərbaycan Respublikasının Dövlət Himninin səsləndirilməsi və Vətənimizin ərazi bütövlüyü və suverenliyi uğrunda şəhid olmuş qəhrəmanlarımızın xatirəsinin yad edilməsi ilə başlayıb. Açılış mərasimində Salyan Rayon İcra Hakimiyyəti başçısının müavini, İctimai-siyasi və humanitar məsələlər şöbəsinin müdiri Rəşad Cəbrayılov və Gənclərin İnkişaf və Karyera Mərkəzinin Baş direktoru Azər Əliyev çıxış edərək layihənin gənclər üçün şəxsi inkişaf və karyera planlamasına yönəlik imkanların genişləndirilməsi, onların ictimai fəallığının artırılması baxımından əhəmiyyətini xüsusi vurğulayıblar.

Layihə çərçivəsində açıq hava formatında qurulan “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik” və “Əyləncə” zonaları iştirakçıların böyük marağına səbəb olub. Gənclər həftəboyu bu zonalarda təşkil olunan vörkşoplarda, ustad dərslərində, viktorinalarda və intellektual yarışlarda fəal iştirak edərək həm yeni biliklər əldə edəcək, həm də praktiki bacarıqlarını inkişaf etdirmək imkanı qazanacaqlar.

Bununla yanaşı, layihə çərçivəsində Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası və 3 saylı Regional Ekologiya və Təbii Sərvətlər İdarəsi tərəfindən mütəmadi olaraq maarifləndirici sessiyalar, Salyan Peşə Liseyi tərəfindən isə sərgi təşkil ediləcək. Peşəkar mütəxəssislərin təqdimatında keçirilən təlimlər zamanı isə iştirakçılar ixtisas seçimi, karyera planlaşdırılması, şəxsi inkişaf, süni intellekt texnologiyalarının yaratdığı yeni imkanlar və sağlam həyat tərzi ilə bağlı mövzular ətrafında geniş fikir mübadiləsi aparacaqlar.

Qeyd edək ki, noyabr ayınadək ümumilikdə ölkənin 20 şəhər və rayonunu əhatə edəcək olan layihə Azərbaycan Respublikasının Gənclər Fondunun dəstəyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin birgə təşkilatçılığı ilə həyata keçirilir.

Görüş zamanı çıxış edən Azərbaycan Respublikasının Gənclər Fondunun icraçı direktoru vəzifəsini icra edən Yusif Vəliyev qalibləri təbrik edərək icra olunacaq layihələrin gənclərin yeni bilik və bacarıqlarının formalaşdırılmasına, onların ictimai fəallığının artırılmasına və inkişaf imkanlarının genişləndirilməsinə mühüm töhfələr verəcəyini vurğulayıb. Xüsusilə qeyd edib ki, layihələrin həyata keçirilməsi zamanı müasir yanaşmaların tətbiqi, innovativ ideyaların təşviqi, gənclərin təşəbbüskarlığının dəstəklənməsi və əldə olunan nəticələrin davamlılığının təmin edilməsi əsas prioritetlərdən olmalıdır.

Görüşün davamında layihələrin səmərəli və nəticəyönümlü icrasının təmin edilməsi, ayrılmış qrant vəsaitlərindən məqsədyönlü istifadənin təşkili, habelə paytaxt və regionlarda daha geniş gənc auditoriyasının əhatə olunması istiqamətində fikir mübadiləsi aparılıb. Daha sonra Fondun müvafiq şöbələri tərəfindən qaliblərə qrant müqavilələrinin bağlanılması, layihələrin icrası zamanı maliyyə və təsviri hesabatların hazırlanaraq təqdim edilməsi qaydaları, eləcə də digər təşkilati məsələlərlə bağlı ətraflı məlumat verilib. Görüşün sonunda qrant müsabiqəsinin qaliblərini maraqlandıran suallar cavablandırılıb.

Qrant müsabiqəsinin əsas məqsədi gənclərin və gənclər təşkilatlarının potensialının inkişaf etdirilməsi, onların cəmiyyətin sosial, iqtisadi, mədəni və ictimai həyatında fəal iştirakının təşviqi, innovativ və ictimai faydalı təşəbbüslərinin dəstəklənməsi, həmçinin gənclərin milli-mənəvi dəyərlərə sadiq, vətənpərvər, yaradıcı və sosial məsuliyyətli fərdlər kimi formalaşmasına töhfə vermək olub.

Fondun Müşahidə Şurasının Qərarına əsasən 52-si yerli, 3-ü beynəlxalq olmaqla 55 gənclər təşkilatının, 84 gəncin layihə təklifinin dəstəklənməsi məqsədəuyğun hesab edilib.

Dövlət Himninin səsləndirilməsi ilə başlayan açılış mərasimində torpaqlarımızın ərazi bütövlüyü uğrunda şəhidlik zirvəsinə ucalmış qəhrəmanlarımızın xatirəsi bir dəqiqəlik sükutla yad edilib. Daha sonra açılış mərasiminin rəsmi hissəsində Yardımlı Rayon İcra Hakimiyyətinin başçısının müavini Miramil Səmədli və Azərbaycan Respublikasının Gənclər Fondunun Daxili nəzarət və monitorinq şöbəsinin müdiri İsmayıl Süleymanov çıxış edərək layihənin region gəncləri üçün əhəmiyyətini vurğulayıb. Qeyd olunub ki, Səyyar Gənclər Xidməti gənclərin maarifləndirilməsi, şəxsi və peşəkar bacarıqlarının inkişafı, ictimai fəallığının artırılması və yeni imkanlarla tanış olmaları üçün şərait yaradaraq onların hərtərəfli inkişafına dəstək göstərir.

Layihə müddətində Yardımlı gəncləri üçün 1 saylı Regional Ekologiya və Təbii Sərvətlər İdarəsi tərəfindən maarifləndirici təlimlər və Yardımlı Peşə Mərkəbi tərəfindən isə sərgi təşkil edilib. Bununla yanaşı, həftə boyunca gənclər peşə seçimi və karyera planlaması, könüllülük, rəqəmsal inkişaf və yeni texnologiyalar, sağlam həyat tərzinin təşviqi mövzularında interaktiv təlimlərdə iştirak ediblər.

Xidmət çərçivəsində yaradılmış “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik” və “Əyləncə” zonaları  gənclərin öz potensiallarına uyğun bacarıqlarını nümayiş etdirmək imkanı yaradıb. Bu zonalarda keçirilən intellektual yarışlar, viktorinalar və master-klasslar gənclərin aktivliyini artırıb, sosial bacarıqlarının inkişafına və şəbəkələşməsinə töhfə verib. Layihənin sonunda fəaliyyətlər zamanı xüsusi fərqlənən gənclər müxtəlif hədiyyələrlə təltif ediliblər.

Qeyd edək ki, “Səyyar Gənclər Xidməti” layihəsi cari ilin noyabr ayınadək respublikanın 20 rayon və şəhərində mərhələli şəkildə davam etdiriləcək.

Azərbaycan Respublikasının Gənclər Fondu tərəfindən 22 may-28 iyun 2026-cı il tarixlərində keçirilən “Gənclər təşkilatları və gənclər üçün inkişaf, innovasiya və sosial təşəbbüslər üzrə qrant müsabiqəsi”nin nəticələri elan edilib.

Qrant müsabiqəsinin məqsədi dövlət gənclər siyasətinin prioritetlərinə uyğun olaraq gənclərin və gənclər təşkilatlarının potensialının inkişaf etdirilməsi, onların cəmiyyətin sosial, iqtisadi, mədəni və ictimai həyatında fəal iştirakının təşviqi, innovativ və ictimai faydalı təşəbbüslərinin dəstəklənməsi, həmçinin gənclərin milli-mənəvi dəyərlərə sadiq, vətənpərvər, yaradıcı və sosial məsuliyyətli fərdlər kimi formalaşmasına töhfə vermək olub.

Fondun Müşahidə Şurasının Qərarına əsasən 52-si yerli,  3-ü beynəlxalq olmaqla 55 gənclər təşkilatının, 84 gəncin layihə təklifinin dəstəklənməsi məqsədəuyğun hesab edilib.

Qeyd edək ki, müraciətlərə Azərbaycan Respublikasının Gənclər Fondunun Müşahidə Şurasının 6 iyul 2022-ci il tarixli Q-01 nömrəli Qərarı ilə təsdiq edilmiş “Azərbaycan Respublikasının Gənclər Fonduna gənclər siyasəti ilə bağlı proqram və layihələrin qrant maliyyələşdirilməsi üzrə müsabiqələr çərçivəsində və müsabiqədən kənar gənclər təşkilatlarından daxil olan layihə təkliflərinin ekspertiza və qiymətləndirmə meyarları”na əsasən baxılıb.

Qrant müqavilələrinin imzalanması üçün qaliblər 15 sentyabr-15 oktyabr tarixləri aralığında tələb olunan sənədlərlə birgə Gənclər Fondunun ofisinə yaxınlaşa bilərlər.

Müsabiqə qaliblərinin siyahısı ilə aşağıdakı keçid vasitəsilə tanış ola bilərsiniz:

İştirakçı sayına və müddətinə görə ölkənin ən böyük gənclər festivalı olan “Yay Fest”in builki konseptual mövzusu Azərbaycan Respublikasının Prezidenti cənab İlham Əliyevin “Azərbaycanın yeni rəqəmsal arxitekturası” üzrə müəyyən etdiyi prioritetlərə uyğun olaraq süni intellekt, rəqəmsal transformasiya və innovativ texnologiyalara həsr olunub.

Festivalın əsas məqsədi gənclərin müasir dünyanın çağırışlarına uyğun bilik və bacarıqlarının inkişaf etdirilməsi, yeni texnologiyalar və innovasiya ekosistemi ilə bağlı məlumatlılığının artırılması, yaradıcı düşüncə tərzlərinin formalaşdırılması, eləcə də asudə vaxtlarında şəbəkələşmələrinə şərait yaratmaq olub.

13 iyul – 4 sentyabr tarixlərini əhatə edən festival çərçivəsində 8 tematik düşərgə təşkil olunub. “Rəqəmsal Dövlət”, “Media və Rəqəmsal Savadlılıq”, “Kreativ AI”, “Müasir Şəhərlər və Texnologiya”, “Elm, Etika və Gələcək”, “Mühəndislik və Kod”, “Startap və Sahibkarlıq” və “AI:İdman və Sağlamlıq” düşərgələrində ümumilikdə 2 mindən çox gənc iştirak edib.

Beş gün davam edən hər bir düşərgənin proqramı iştirakçılar üçün maarifləndirici və praktiki fəaliyyətlərlə yadda qalıb. Gənclər dövlət rəsmiləri ilə görüşlərdə, dövlət qurumları və özəl sektorun nümayəndələri ilə panel müzakirələrdə, texnologiya sahəsinin aparıcı mütəxəssisləri ilə vörkşoplarda və yaradıcı master-klasslarda iştirak edərək müxtəlif mövzular üzrə yeni biliklər əldə edib, komanda şəklində çalışaraq əldə etdikləri bilikləri praktiki fəaliyyətlərdə sınayıblar. Yay Fest 2026 çərçivəsində keçirilən düşərgələrdə müxtəlif sahələr üzrə mütəxəssislərin iştirakı gənclərə şəxsi və peşəkar inkişaf yolları, karyera imkanları və gələcəyin çağırışları barədə yeni baxışlar qazandırıb. Festivalın yaratdığı interaktiv mühit isə gənclərin ideyalarını paylaşmasına, birgə layihələr üzərində işləməsinə və yeni dostluqlar qurmasına imkan verib.

Çadır tipli düşərgələr yalnız maarifləndirici proqramla məhdudlaşmayıb. Festival müddətində intellektual oyunlar, idman yarışları, haykinq, komanda quruculuğu fəaliyyətləri, ekskursiyalar, musiqili proqramlar, DJ parti, ocaq ətrafında səmimi söhbətlər və müxtəlif yaradıcı fəaliyyətlər təşkil olunub. Festival gənclərin yaradıcı potensialını üzə çıxarmaqla onların həm öyrənməsinə, həm də əylənməsinə şərait yaradıb.

Belə ki, artıq ənənə halını alan Yay Fest ölkənin gənclər siyasətinin prioritet istiqamətlərini özündə əks etdirən, gənclərin liderlik potensialının inkişafını, ictimai iştirakçılığını, müasir bacarıqlarının formalaşmasını və dövlətçilik ənənələrinə bağlılığını təşviq edən layihə kimi özünü təsdiq edib.

Qeyd edək ki, Yay Fest 2026 Azərbaycan Respublikasının Gənclər Fondunun dəstəyi, IDEA İctimai Birliyinin tərəfdaşlığı, Azərbaycan Respublikası Gənclər Təşkilatları Milli Şurası, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, Azərbaycanlı Tələbələr və Məzunlar Platforması, “CAVAN” Gənclər Hərəkatı İctimai Birliyi, “Böyük Qayıdış” Gənclər Təşkilatı və “Gənc Könüllülər” İctimai Birliyinin birgə təşkilatçılığı həyata keçirilib.

Layihənin Lerikdə baş tutan açılış mərasimi Dövlət Himnimizin səsləndirilməsi və torpaqlarımızın ərazi bütövlüyü uğrunda şəhidlik zirvəsinə ucalmış qəhrəmanlarımızın xatirəsinin bir dəqiqəlik sükutla yad edilməsi ilə başlayıb. Rəsmi hissədə Lerik Rayon İcra Hakimiyyəti başçısının müavini, Ərazi-təşkilat və ictimai-siyasi məsələlər şöbəsinin müdiri Arzu Vəliməmmədova və Gənclərin İnkişaf və Karyera Mərkəzinin Baş direktoru Azər Əliyev layihənin region gənclərinin bilik və bacarıqlarının inkişafına verdiyi töhfələrdən bəhs ediblər. Gənclərin təşəbbüskarlığının artırılması, liderlik və kommunikasiya bacarıqlarının inkişaf etdirilməsi, onların innovativ düşüncə və yaradıcılıq potensialının təşviq olunmasının vacibliyi çıxışlar zamanı toxunulan əsas məqamlar olub.

Əsas məqsədi ölkəmizdə uğurla həyata keçirilən dövlət gənclər siyasətinin prioritet istiqamətlərinə uyğun olaraq gənclərin cəmiyyətin müxtəlif sahələrində iştirakçılığının artırılması, yaradıcı potensialının üzə çıxarılması və gənclər üçün mövcud dövlət dəstəyi mexanizmlərinin regionlarda yaşayan gənclərə daha əlçatan olmasını təmin etmək olan layihənin beş günlük zəngin proqramı çərçivəsində açıq hava şəraitində qurulan “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik” və “Əyləncə” zonaları Lerik gənclərinin böyük marağına səbəb olub. Gənclər bu məkanlarda təşkil olunan vörkşoplarda, ustad dərslərində, viktorinalarda və intellektual yarışlarda fəal iştirak edərək həm yeni biliklər əldə edib, həm də praktiki bacarıqlarını inkişaf etdirmək imkanı qazanıblar.

Bununla yanaşı, iştirakçılar üçün ixtisas seçimi, karyera planlaşdırılması, şəxsi inkişaf, süni intellekt texnologiyalarının yaratdığı yeni imkanlar və sağlam həyat tərzi ilə bağlı peşəkar mütəxəssislər tərəfindən təlimlər keçirilib. Eyni zamanda 1 saylı Regional Ekologiya və Təbii Sərvətlər İdarəsi tərəfindən maarifləndirici sessiyalar təşkil olunub. Günün sonunda proqram çərçivəsində keçirilən fəaliyyətlərdə yüksək fəallıq nümayiş etdirən gənclər müxtəlif həvəsləndirici hədiyyələrlə mükafatlandırılıblar.

Qeyd edək ki, “Səyyar Gənclər Xidmət” layihəsi Azərbaycan Respublikasının Gənclər Fondunun dəstəyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin birgə təşkilatçılığı ilə həyata keçirilir. “Gənclərlə, gənclər üçün” devizi altında keçirilən layihə noyabr ayınadək respublikanın 20 şəhər və rayonunun ucqar kəndlərindən olan 8 mindən çox gənci əhatə edəcək.

“Startap və Sahibkarlıq” düşərgəsinin əsas məqsədi gənclərin sahibkarlıq və startap ekosistemi haqqında biliklərinin artırılması, innovativ düşüncə və biznes bacarıqlarının inkişaf etdirilməsi, yeni ideyalarının formalaşdırılması, eləcə də liderlik və komanda ruhunun gücləndirilməsi olub.

Düşərgə iştirakçıları əvvəlcə Ümummilli Lider Heydər Əliyevin Şamaxı şəhərindəki abidəsini ziyarət edib, önünə gül dəstələri düzərək əziz xatirəsini ehtiramla yad ediblər. Daha sonra gənclər düşərgə ərazisinə yollanaraq onlar üçün hazırlanmış proqramla tanış olublar.

Düşərgə çərçivəsində müvafiq dövlət qurumlarının və özəl sektorun nümayəndələrinin iştirakı ilə gənclər üçün mövzu ətrafında görüşlər, müxtəlif təlimlər, praktiki sessiyalar və vörkşoplar təşkil olunub.

“Bu meydança sənin zamanın!”, “İnnovasiya və startap nədir?” və “Startapların hüquqi statusu” təlimləri, “Startapdan uğura”, “Uğurlu sahibkarlığın sirrləri” və “Biznes psixologiyası” mövzularındakı panel görüşləri zamanı iştirakçılara ideyanın formalaşdırılması və inkişaf etdirilməsi, innovasiya və startap anlayışları, startapların fəaliyyət prinsipləri, eləcə də hüquqi məsələlər barədə məlumat verilib. Gənclər, həmçinin sahibkarlıq və startap sahəsində təcrübəli şəxslərlə fikir mübadiləsi apararaq uğurlu biznesin qurulması, ideyanın reallaşdırılması, qarşıya çıxan çətinliklərin dəf edilməsi, sahibkarlıq fəaliyyətində düzgün qərarvermə, biznesdə psixoloji amillər və uğura aparan əsas amillər barədə müzakirələr aparılıb.

Düşərgə müddətində Azərbaycan Respublikasının gənclər və idman naziri Fərid Qayıbov və “Xəzər” TV-nin baş direktoru, Xalq artisti Murad Dadaşovla gənclərin görüşü baş tutub. Görüşlər zamanı iştirakçılar qonaqların şəxsi və peşəkar təcrübələri ilə tanış olub, onları maraqlandıran suallara cavab alıb və gələcək fəaliyyətləri ilə bağlı dəyərli tövsiyələr əldə ediblər. Sonda isə “Regional İnkişaf” İctimai Birliyinin sədri Məhəmməd Abdullayev qonaqlara səmimi söhbət və dəyərli fikirləri üçün təşəkkürünü bildirib.

Maarifləndirici proqramla yanaşı, gənclərin asudə vaxtının səmərəli təşkili, komanda ruhunun və dostluq münasibətlərinin gücləndirilməsi məqsədilə intellektual oyun, airsoft taktiki oyunu və digər komanda fəaliyyətləri keçirilib. Düşərgə iştirakçıları, həmçinin Şamaxı Cümə məscidini və “Capybara land”i ziyarət edərək bölgənin tarixi-mədəni irsi və təbiəti ilə də tanış olublar. Bununla yanaşı, keçirilən master-klasslar gənclərin rəngli dünyalarını ortaya çıxarmağa şərait yaradıb. Hər günün sonu gənclərin sevimli müğənnilərinin canlı ifaları isə gənclərə əsl festival ab-havası yaşadıb.

Beləliklə, 5 gün davam edən “Startap və Sahibkarlıq” düşərgəsi gənclərin sahibkarlıq və innovasiya sahəsində biliklərinin artırılması, praktiki bacarıqlarının inkişaf etdirilməsi və həmfikir gənclərlə şəbəkələşməsi baxımından zəngin proqramla uğurla başa çatıb.

İştirakçı sayına və müddətinə görə ölkənin ən böyük gənclər festivalı olan “Yay Fest 2026” Azərbaycan Respublikasının Gənclər Fondunun dəstəyi, IDEA İctimai Birliyinin tərəfdaşlığı, Azərbaycan Respublikası Gənclər Təşkilatları Milli Şurası, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, Azərbaycanlı Tələbələr və Məzunlar Platforması, “CAVAN” Gənclər Hərəkatı İctimai Birliyi, “Böyük Qayıdış” Gənclər Təşkilatı və “Gənc Könüllülər” İctimai Birliyinin birgə təşkilatçılığı ilə həyata keçirilir.

Açılış mərasimi Azərbaycan Respublikasının Dövlət Himninin səsləndirilməsi və torpaqlarımızın ərazi bütövlüyü uğrunda şəhid olmuş qəhrəmanlarımızın xatirəsinin bir dəqiqəlik sükutla yad edilməsi ilə başlanıb. Astara Rayon İcra Hakimiyyətinin başçısının müavini, Ərazi-təşkilat və ictimai-siyasi məsələlər şöbəsinin müdiri Firəngiz Sadıxova və Azərbaycan Respublikasının Gənclər Fondunun əməkdaşı Seyfur Hacımuradov açılış nitqi ilə çıxış edərək layihənin gənclərin intellektual və şəxsi inkişafının dəstəklənməsində, onların potensiallarının üzə çıxarılmasında mühüm rol oynadığını xüsusi vurğulayıblar.

Layihənin ilk günündə gənclər üçün Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası və 1 saylı Regional Ekologiya və Təbii Sərvətlər İdarəsinin nümayəndələri tərəfindən maarifləndirici sessiyalar təşkil olunub. 

Gənclər 5 günlük zəngin proqram çərçivəsində “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik” və “Əyləncə” zonalarında onlar üçün təşkil olunmuş vörkşoplarda, ustad dərslərində, viktorinalarda və intellektual yarışlarda fəal iştirak edərək həm yeni biliklər əldə edəcək, həm də praktiki bacarıqlarını inkişaf etdirmək imkanı qazanacaqlar. Eyni zamanda gənclərin şəxsi və peşəkar inkişafına dəstək məqsədilə müxtəlif istiqamətləri əhatə edən təlimlər təşkil olunacaq. Peşəkar mütəxəssislərin iştirakı ilə keçirilən təlimlərdə gənclərə ixtisas və peşə seçimi, karyera hədəflərinin müəyyənləşdirilməsi, müasir əmək bazarının tələbləri, süni intellekt texnologiyalarının yaratdığı yeni imkanlar və bu imkanlardan səmərəli istifadə yolları ilə bağlı faydalı məlumatlar təqdim ediləcək. Günün sonunda proqram çərçivəsində təşkil olunan fəaliyyətlərdə yüksək fəallıq nümayiş etdirən gənclər mükafatlandırılacaqlar.

Xatırladaq ki, əsas əhatə dairəsi region gəncləri olan “Səyyar Gənclər Xidməti” layihəsinin əsas məqsədi ölkəmizdə uğurla həyata keçirilən dövlət gənclər siyasətinin prioritet istiqamətlərinə uyğun olaraq gənclərin cəmiyyətin müxtəlif sahələrində iştirakçılığının artırılması, yaradıcı potensialının üzə çıxarılması və gənclər üçün mövcud dövlət dəstəyi mexanizmlərinin regionlarda yaşayan gənclərə daha əlçatan olmasını təmin etməkdir. 

Xidmət iyun ayından etibarən Şəki, Oğuz, Qəbələ, İsmayıllı, Ağsu, Şamaxı, Qobustan, Xızı və Lənkəranda uğurla həyat keçirilib. 

17-21 avqust tarixlərini əhatə edən düşərgə müddətində gənclər mühəndislik və texnologiya, proqramlaşdırma, süni intellekt və rəqəmsallaşan mühit ilə bağlı biliklərini genişləndirib, müxtəlif praktiki fəaliyyətlərdə iştirak edib, mütəxəssislərlə fikir mübadiləsi aparıb və komanda şəklində öz bacarıqlarını sınayıblar.

Prezident İlham Əliyevin rəhbərliyi ilə uğurla həyata keçirilən dövlət gənclər siyasəti gənclərin inkişafı və müasir çağırışlara uyğun bilik və bacarıqlar qazanması üçün geniş imkanlar yaradır. Eyni zamanda, dövlət başçısının Sərəncamı ilə təsdiq edilmiş “Azərbaycan Respublikasının 2025–2028-ci illər üçün süni intellekt Strategiyası” ölkədə süni intellektin inkişafının sürətləndirilməsini, bu sahədə tədqiqatların təşviqini və ixtisaslı kadr potensialının gücləndirilməsini nəzərdə tutur. Yay Fest 2026-nın süni intellekt və rəqəmsallaşmaya həsr olunan ümumi mövzusu çərçivəsində də gənclərin bu sahələr üzrə bilik və bacarıqlarının artırılmasına xüsusi diqqət ayrılır.

Düşərgə iştirakçıları ilk öncə Ümummilli Lider Heydər Əliyevin Şamaxı şəhərinin mərkəzində ucaldılan abidəsini ziyarət edərək önünə gül dəstələri qoyub, xatirəsini ehtiramla yad ediblər.

Çadır formatında təşkil edilən düşərgənin açılışında Azərbaycan Respublikasının Gənclər Fondunun icraçı direktoru vəzifəsini icra edən Yusif Vəliyev və Azərbaycan Respublikası Gənclər Təşkilatları Milli Şurasının (NAYORA) sədri Rafael Hacıbəyli çıxış edərək rəqəmsallaşan mühitdə Yay Fest’in gənclərin yeni bilik və bacarıqlar qazanması, şəbəkələşməsi və yaradıcı düşüncə tərzlərinin formalaşması baxımından yaratdığı imkanlardan bəhs ediblər.

Düşərgənin 5 günlük proqramı çərçivəsində gənclərin dövlət rəsmiləri və rəqəmsal texnologiyalar üzrə mütəxəssislərlə görüşləri təşkil olunub. Azərbaycan Respublikasının gənclər və idman nazirinin müavini İndira Hacıyeva ilə görüş zamanı süni intellekt və rəqəmsallaşmanın gənclər üçün yaratdığı imkanlar, yeni texnologiyaların müasir dövrdə rolu və gənclərin bu proseslərdə iştirakı müzakirə olunub. Azərbaycan Respublikasının xarici işlər nazirinin müavini Yalçın Rəfiyev ilə görüşdə isə gənclər müasir beynəlxalq münasibətlər, qlobal təhlükəsizlik çağırışları və təhlükəsizlik məsələlərinin xarici siyasətdə rolu ətrafında fikir mübadiləsi aparmaq imkanı əldə ediblər.

Düşərgə proqramının iştirakçılar üçün maraqlı olan hissələrindən biri də Gənclər üçün Prezident Mükafatına layiq görülmüş şəxslərin iştirakı ilə keçirilən panel müzakirəsi olub. NAYORA-nın sədri Rafael Hacıbəylinin moderatorluğu ilə baş tutan panel görüşdə Gənclərin İnkişaf və Karyera Mərkəzinin Baş direktoru Azər Əliyev, Azərbaycan Respublikasının Gənclər və İdman Nazirliyinin Gənclərlə iş şöbəsinin müdiri Ülviyyə Axundova, Gənclərin Gender Bərabərliyi Mərkəzi “Gender Hub” İctimai Birliyinin sədri Məryəm Məcidova və Qoşulmama Hərəkatı Gənclər Təşkilatının sədri Leyla Həsənova iştirak ediblər. Müzakirə zamanı spikerlər karyera trayektoriyalarındakı uğurları, şəxsi və peşəkar inkişaf yollarında qazandıqları təcrübələri gənclərlə bölüşüb, onlara gələcək fəaliyyətləri üçün dəyərli tövsiyələr veriblər.

Proqramın tədris hissəsində isə süni intellekt və texnologiyaların praktiki tətbiqinə xüsusi yer ayrılıb. “AI alətləri ilə effektiv proqram təminatının hazırlanması” və “Kod mühəndisliyində süni intellekt: İdeyadan real layihəyə (AI Agent Design Challenge)” mövzularında keçirilən təlimlər vasitəsilə iştirakçılar süni intellekt alətlərindən istifadə, proqram təminatının hazırlanması və texnoloji ideyaların praktik həllərə çevrilməsi ilə bağlı biliklərini artırıblar.

Düşərgə müddətində NAYORA-nın üzv gənclər təşkilatları tərəfindən də müxtəlif maarifləndirici və interaktiv fəaliyyətlər həyata keçirilib. İştirakçılar üçün əvvəlcə komanda işi və ünsiyyət bacarıqlarını inkişaf etdirən timbildinq fəaliyyətləri, daha sonra “Bir ideyanı reallaşdır” və “Sağlam həyatın təməli: düzgün qidalanma və fiziki aktivlik” mövzularında təlimlər, böhran vəziyyətlərinin idarə edilməsinə həsr olunan simulyasiya və ilkin tibbi yardım təlimi təşkil olunub.

Eyni zamanda düşərgə çərçivəsində inklüzivliyə həsr olunmuş xüsusi axşam proqramı da keçirilib. “Ümid var” İnklüziv Yaradıcılıq Birliyinin iştirakı ilə baş tutan proqramda inklüziv və yaradıcı gənclərin ifaları və rəqsləri rəğbətlə qarşılanıb.

Maarifləndirici hissə ilə yanaşı, düşərgə iştirakçıları üçün müxtəlif sosial, mədəni və əyləncəli fəaliyyətlər də keçirilib. Hər günün səhəri aerobika, yoqa, pilates və zumba məşqləri ilə başlayıb. Proqram çərçivəsində xor təlimi, intellektual oyun, eləcə də airsoft fəaliyyəti təşkil olunub. Axşam proqramlarında isə Nərgiz Məcidli, Jiva, Tofiq Hacıyev və “Şimal” qrupunun musiqili çıxışları və DJ performansları düşərgədə əyləncəli atmosfer yaradıb. Ocaq ətrafında baş tutan səmimi söhbətlər isə iştirakçılar üçün şirin gənclik xatirəsinə çevrilib.

Sentyabrın 4-dək davam edəcək festival çərçivəsində “Rəqəmsal Dövlət”, “Media və Rəqəmsal Savadlılıq”, “Kreativ AI”, “Müasir Şəhərlər və Texnologiya”, “Elm, Etika və Gələcək”, “Mühəndislik və Kod”, “Startap və Sahibkarlıq” və “AI – İdman və Sağlamlıq” adlı ardıcıl 8 düşərgə təşkil ediləcək. Hər biri 5 gün davam edən düşərgələrdə ümumilikdə 2 mindən çox gənc iştirak edəcək.

Xatırladaq ki, Yay Fest 2026 Azərbaycan Respublikasının Gənclər Fondunun dəstəyi, IDEA İctimai Birliyinin tərəfdaşlığı, Azərbaycan Respublikası Gənclər Təşkilatları Milli Şurası, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, Azərbaycanlı Tələbələr və Məzunlar Platforması, “CAVAN” Gənclər Hərəkatı İctimai Birliyi, “Böyük Qayıdış” Gənclər Təşkilatı və “Gənc Könüllülər” İctimai Birliyinin birgə təşkilatçılığı ilə həyata keçirilir.