23-24 aprel tarixlərində mərhələli şəkildə keçirilən imtahan prosesində iştirak edən namizədlər məntiqi düşüncə, informasiya texnologiyalarının əsasları, süni intellekt savadlılığı və bu sahədə etik davranış qaydaları üzrə təqdim olunan test tapşırıqlarını cavablandırıblar.

İmtahanda yüksək nəticə göstərən iştirakçılar isə növbəti seçim mərhələsi olan müsahibəyə dəvət olunacaqlar. Müsahibə prosesi çərçivəsində namizədlərin analitik düşünmə qabiliyyəti, problem həll etmə bacarıqları və motivasiyası hərtərəfli şəkildə qiymətləndiriləcək.

Xatırladaq ki, proqram çərçivəsində təqaüd haqqı qazanmış gənclər süni intellekt əsaslı texnologiyalar, data analitika və rəqəmsal qərarvermə, proqramlaşdırma və proqram təminatı, rəqəmsal məhsul və platforma bacarıqları, texnologiya əsaslı innovasiya və startap bacarıqları üzrə praktiki bilik və bacarıqlara yiyələnmək imkanı əldə edəcəklər.

Birgə tərəfdaşlıq çərçivəsində keçirilən bu təşəbbüs gənclərin potensialının üzə çıxarılmasına, innovasiya ekosisteminin gücləndirilməsinə və gənc mütəxəssislərin formalaşmasına töhfə vermək məqsədi daşıyır.

Layihəyə cəlb olunacaq 20 gənc ailə əvvəlcə nəzəri və praktiki təlimlərdə iştirak edəcək. Təlimləri başa vurmuş iştirakçılar arı ailələri və pətəklər, arıçı geyimi, balsüzən aparat və digər zəruri avadanlıqlarla təmin olunacaqlar. Gənc arıçılara istehsalat prosesinin effektiv təşkili üçün zəruri şərait yaradılacaq, eyni zamanda məhsulların sertifikatlaşdırılması, brendləşdirilməsi, dizaynı və satış strategiyalarının hazırlanması sahəsində metodoloji və peşəkar dəstək göstəriləcək.

Qeyd edək ki, 2021-ci ildən etibarən IDEA İctimai Birliyinin təşəbbüsü və Azərbaycan Respublikasının Gənclər Fondu, Dövlət Məşğulluq Agentliyi və ABAD publik hüquqi şəxsin tərəfdaşlığı ilə həyata keçirilən “Gənc arıçı” layihəsi çərçivəsində ölkənin müxtəlif regionlarında yaşayan 80-dən çox gənc ailəyə arıçılıq təsərrüfatının qurulmasına dəstək göstərilib.

Layihənin məqsədi biomüxtəlifliyin əsas qoruyucularından biri olan arıların ölkə üzrə yayılma arealının genişləndirilməsi, arıçılığın ekosahibkarlıq forması kimi regionlarda təşviqi, ekoloji cəhətdən təmiz kənd təsərrüfatı fəaliyyətlərinin dəstəklənməsi və keyfiyyətli təbii bal istehsalının artırılmasıdır. Eyni zamanda layihə, gənc ailələrin sosial rifahının yüksəldilməsinə və onların dayanıqlı məşğulluğunun təmin olunmasına töhfə verməyi hədəfləyir.

“Gənc arıçı” layihəsində iştirak etmək istəyən Yevlaxda yaşayan 18-35 yaşarası gənclər mayın 5-dək müraciətlərini IDEA İctimai Birliyinin “1113” qaynar xətti və ya elektron poçt ünvanı (info@ideacampaign.org) vasitəsilə göndərə və ya Dövlət Məşğulluq Agentliyinin Yevlax xidmət şöbəsinə yaxınlaşaraq qeydiyyatdan keçə bilərlər.

İmtahan mərhələsində iştirak edəcək namizədlər məntiqi düşüncə, informasiya texnologiyalarının əsasları, süni intellekt savadlılığı və bu sahədə etik davranış qaydaları üzrə biliklərini yoxlayan test tapşırıqlarını cavablandıracaqlar. İmtahanın keçirilmə tarixləri barədə seçilmiş iştirakçılara əvvəlcədən ətraflı məlumat təqdim olunacaq.

İmtahan mərhələsinə vəsiqə qazanan gənclərin siyahısı ilə  aşağıdakı keçid vasitəsilə tanış ola bilərsiniz:

Qeyd edək ki, imtahan mərhələsində yüksək nəticə göstərən iştirakçılar növbəti mərhələ olan müsahibəyə dəvət ediləcəklər. Müsahibə mərhələsində namizədlərin analitik düşünmə qabiliyyəti, problem həll etmə bacarıqları, motivasiyası və proqramın məqsədlərinə uyğunluğu qiymətləndiriləcək. Yekunda proqram çərçivəsində təqaüd haqqı qazanmış gənclər süni intellekt əsaslı texnologiyalar, data analitika və rəqəmsal qərarvermə, proqramlaşdırma və proqram təminatı, rəqəmsal məhsul və platforma bacarıqları, texnologiya əsaslı innovasiya və startap bacarıqları üzrə praktiki bilik və bacarıqlara yiyələnmək imkanı əldə edəcəklər.

Azərbaycan Respublikasının Prezidenti İlham Əliyev Azərbaycan Milli Elmlər Akademiyasının 80 illik yubileyinə həsr olunmuş yığıncaqda vurğulamışdır ki, daha çox elmi əsərlər, daha çox hətta kiçik həcmli bukletlər hazırlanmalıdır ki, həm Azərbaycan gəncləri öz tarixini yaxından bilsinlər, həm dünya ictimaiyyəti bilsin. Məhz bu çağırış əsasında nəşr olunan kitabın məqsədi qədim dövlətçilik ənənələrimiz barəsində gənc nəslin və dünya ictimaiyyətinin məlumatlılıq səviyyəsini artırmaqdır.

Təqdim olunan nəşrdə Azərbaycanın qədim dövlətçilik tarixinin mühüm mərhələlərindən biri olan Atropatena/Adorbayqan adlı ölkənin yaranmasından öncə olan hadisələr, ölkənin mənşəyi və sərhədlərinin müəyyənləşdirilməsi, ölkənin yaranmasından sonra baş verən hadisələr qədim mənbələrə və tarixi faktlara istinad edilərək oxucu kütləsinə çatdırılıb.

Təqdimat mərasimində çıxış edən müəllif kitabın elmi və tarixi əhəmiyyəti, nəşrin hazırlanma prosesi və əsas elmi tezisləri haqqında qonaqlara ətraflı məlumat verib.

Azərbaycan Respublikasının Gənclər Fondunun dəstəyi ilə baş tutan tədbirin yekununda kitabın imzalanma mərasimi keçirilib və qonaqlar müəlliflə xatirə şəkilləri çəkdiriblər.

Qeyd edək ki, Həsən Həsənovun müxtəlif ölkələrdə çap olunan “Tarixin hədəfi” (2004), “Dünya sivilizasiya tarixində genezis problemi” (2005), “Birinci Respublikaya doğru” (2010), “Qız qalası” (2014), “Makedoniyalı İsgəndər və Atropat” (2017), “Azərbaycanın tarixi-coğrafi atlası”, “Azərbaycanın tarixi-etnoqrafik atlası” (2025) və b. kitabları müasir Azərbaycan tarixşünaslıq elminə ciddi töhfədir. Eyni zamanda o, Azərbaycanda siyasi memuarın ilk nümunələrindən olan “Heydər Əliyev: parlaq və xarizmatik şəxsiyyət haqqında xatirələr” (2023) kitabının müəllifidir. “Qürbətdən məktublar/Brüsseldən məktublar” pyesi iyirmi ildən çoxdur ki, Azərbaycan Akademik Dram teatrının repertuarında yer tutur.

25 fevral tarixində Xocalı soyqırımının 34-cü ildönümü ilə əlaqədar Heydər Əliyev Fondunun vitse-prezidenti Leyla xanım Əliyevanın təşəbbüsü ilə başladılan “Xocalıya Ədalət” Beynəlxalq Maarifləndirmə Kampaniyası çərçivəsində Nizami Kino Mərkəzində “Xocalı: Əsir Uşaqlıq” sənədli filminin təqdimatı keçirilib.

Təqdimatda millət vəkilləri, dövlət rəsmiləri, Xocalı sakinləri və gənclər, o cümlədən gənclər təşkilatlarının nümayəndələri iştirak ediblər.

Təqdimatdan öncə Kino Mərkəzinin foyesində Xocalı faciəsindən dərhal sonra lentə alınmış fotoşəkillərdən ibarət sərgi nümayiş olunub. Sərginin əsas məqsədi faciə zamanı Xocalı sakinlərinin yaşadığı dəhşətli anları yenidən xatırlamaq  və soyqırımı qurbanlarının xatirəsini yad etmək olub.

Təqdimat Xocalı soyqırımı qurbanlarının xatirəsinin bir dəqiqəlik sükutla yad edilməsi ilə başlayıb. Daha sonra təqdim olunan “Xocalı: Əsir Uşaqlıq” sənədli filmində Xocalıda yaşamış Məmmədovlar ailəsinin 8 üzvünün əsir götürülməsi və onların başına gətirilən faciəvi hadisələr və şahid ifadələri öz əksini tapıb. Ekran əsərində Məmmədovlar ailəsinin üzvü Mürvət Məmmədov Xocalı faciəsi zamanı mülki əhalinin, xüsusilə də uşaqların yaşadıqları ağır taledən, həmçinin Böyük Qayıdış layihəsi çərçivəsində Xocalıya geri qayıdan sakinlərin yaşadığı hisslərdən bəhs edib.

Nümayişdən sonra Azərbaycan Respublikasının Gənclər Fondunun icraçı direktor vəzifəsini icra edən Yusif Vəliyev və Milli Məclisin deputatı Naqif Həmzəyev çıxış edərək Xocalı şəhərinin və onun dinc sakinlərinin başına gətirilən ağır faciədən, bu faciənin təkcə Azərbaycan xalqına qarşı deyil, bütövlükdə insanlığa qarşı törədilmiş cinayət kimi tarixdə qalmasından, eyni zamanda gənc nəslin tarixi yaddaşının möhkəmləndirilməsində bu kimi layihələrin əhəmiyyətindən danışıblar. Ardınca “CVN Group”un baş direktoru, filmin müəllifi Səbinə Məlikova və soyqırımın canlı şahidi Mürvət Məmmədov çıxış edərək erməni əsirliyində baş verən dəhşətlərin unudulmamasının vacibliyini vurğulayıblar.

Qeyd edək ki, sənədli film Azərbaycan Respublikasının Gənclər Fondu, Belə-Belə İşlər və CVN TV, “Böyük Qayıdış” Gənclər Təşkilatının birgə əməkdaşlığı ilə ərsəyə gətirilib.

Təqaüd proqramı barədə gənclərin məlumatlılığını artırmaq məqsədilə təşkil olunan infosessiyaların ilk ünvanı Qarabağ Universiteti olub. 250-dən çox tələbənin iştirak etdiyi infosessiya zamanı Gənclər Fondunun əməkdaşı tərəfindən gənclərə proqramın məqsədi, seçim meyarları, təlim istiqamətləri və  prosesi haqqında geniş məlumat təqdim olunub, ardınca gəncləri maraqlandıran suallar cavablandırılıb.

Gənclərin proqram barədə daha dolğun məlumat əldə etməsi baxımından mühüm rol oynayan infosessiyalar növbəti günlərdə Azərbaycan Memarlıq və İnşaat Universiteti, Bakı Dövlət Universiteti, Azərbaycan Dövlət Neft və Sənayə Univeriteti, Azərbaycan-Fransız Univeriseti və Azərbaycan Dövlət İqtisad Universitetində həyata keçiriləcək.

Xatırladaq ki, təqaüd proqramının əsas məqsədi gənclər arasında innovativ düşüncə tərzinin formalaşdırılması, onların potensialının üzə çıxarılması və süni intellekt əsaslı texnologiyalarla işləmə bacarıqlarının inkişaf etdirilməsidir. Proqram çərçivəsində iştirakçılar süni intellekt texnologiyaları, data analitika və rəqəmsal qərarvermə, proqramlaşdırma və proqram təminatı, rəqəmsal məhsul və platforma bacarıqları, eləcə də texnologiya əsaslı innovasiya və startap istiqamətləri üzrə praktiki bilik və bacarıqlar əldə edəcəklər.

Təqaüd proqramından yararlanmaq istəyən 18-29 yaş arası və İT sahəsi üzrə ilkin biliklərə sahib gənclər https://youthfoundation.az/taqaudproqrami/ linki vasitəsilə qeydiyyatdan keçə bilərlər.

Təqaüd proqramının əsas hədəfi gənclər arasında innovativ düşüncə tərzinin formalaşdırılması, gənclərin potensialının üzə çıxarılması və süni intellekt əsaslı texnologiyalarla işləmə bacarıqlarının artırılması, innovasiya ekosisteminin gücləndirilməsinə və gənc mütəxəssislərin formalaşmasına töhfə verməkdir. Tədris müddəti boyunca ümumilikdə 150 gəncin təqaüd proqramından yararlanması nəzərdə tutulur.

Proqram çərçivəsində təqaüd haqqı qazanmış gənclər süni intellekt əsaslı texnologiyalar, data analitika və rəqəmsal qərarvermə, proqramlaşdırma və proqram təminatı, rəqəmsal məhsul və platforma bacarıqları, texnologiya əsaslı innovasiya və startap bacarıqları üzrə praktiki bilik və bacarıqlara yiyələnmək imkanı əldə edəcəklər.

Qeyd edək ki, bugünədək təqaüd proqramına 1300-dən çox müraciət daxil olub. Təqaüddən yararlanmaq istəyən 18-29 yaş arası və İT sahəsi üzrə baza biliklərinə sahib gənclər https://youthfoundation.az/taqaudproqrami/ linki vasitəsilə müraciət edə bilərlər.

“GəncVİZYON” ideyatonunun 4 fevral tarixində keçirilən ilkin mərhələsində 240 gənc 40 komanda şəklində  mentorların dəstəyi ilə gələcəyin təhsili və bacarıqları, gənclərin məşğulluğu və sahibkarlıq, rəqəmsal gələcək və süni intellekt, sosial təşəbbüslər və könüllülük, eləcə də yaşıl və dayanıqlı gələcək kimi istiqamətlər üzrə ideyalarını formalaşdırıblar. Daha sonra mentorların dəyərləndirməsi nəticəsində hər istiqamət üzrə 2 komanda olmaqla, ümumilikdə 10 komanda final mərhələsində iştirak hüququ qazanıb. Dəyərləndirmə zamanı ideyaların innovativliyi, sosial təsiri, reallığa uyğunluğu və strateji yanaşması əsas meyarlar kimi nəzərə alınıb.

İdeyatonun 6 fevral tarixində baş tutan final mərhələsində isə komandalar ideyalarını təkmilləşdirərək münsiflər heyətinə təqdim ediblər. Münsiflər heyətinin qərarına əsasən Ekoliz, GreenPoint və ⁠Hexra adlı 3 komanda qalib elan olunub.

Final mərhələsinin bağlanış mərasimində çıxış edən Azərbaycan Respublikasının Gənclər Fondunun icraçı direktor vəzifəsini icra edən Yusif Vəliyev, Azərbaycan Respublikasının gənclər və idman nazirinin müavini Fərhad Hacıyev, Azərbaycan Respublikasının Milli Məclisinin deputatı Göydəniz Qəhrəmanov, Azərbaycan Respublikasının ekologiya və təbii sərvətlər nazirinin müşaviri Rüstəm Həsənov, “Nar”ın Korporativ Ünsiyyət və PR Departamentinin Direktoru Hökümə Kərimova ideyatonun əhəmiyyətindən, gənclərin strateji düşüncə və gələcəyə yönəlik baxışlarının formalaşdırılmasında bu cür təşəbbüslərin rolundan, yaradılan imkanlar və perspektivlərdən bəhs ediblər.

İdeyatonun yekununda qalib komandalar mükafatlandırılıb.

Qeyd edək ki, “GəncVİZYON” ideyatonu Azərbaycan Respublikasının Gənclər Fondu, Azərbaycan Respublikası Gənclər Təşkilatları Milli Şurası, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, Azərbaycanlı Tələbələr və Məzunlar Platforması, “Böyük Qayıdış” Gənclər Təşkilatı, “CAVAN” Gənclər Hərəkatı, “Gənclərin Maarifləndirilməsinə Dəstək” İctimai Birliyi və “Gənc Könüllülər” İctimai Birliyinin birgə təşkilatçılığı və “Nar”ın tərəfdaşlığı ilə həyata keçirilib.

Bununla yanaşı, Gənclər Fondu tərəfindən Azərbaycan Gəncləri Gününə həsr olunmuş “GəncLAND” Gənclər Festivalı, “GəncİNTELLEKT” ölkənin ən böyük fərdi intellektual yarışı və “GəncTALKS” Motivasiya Platforması adlı genişmiqyaslı tədbirlər də baş tutub. Silsilə tədbirlər gənclərin sosial fəallığının artırılması, yaradıcılıq və innovativ düşüncə tərzinin təşviqi, eləcə də onların asudə vaxtlarının səmərəli təşkili məqsədi daşıyıb.

4 fevral tarixində DOST İnklüziv İnkişaf və Yaradıcılıq Mərkəzində baş tutan tədbirin məqsədi əlilliyi olan gənclərin cəmiyyətə tam və bərabər inteqrasiyasını təşviq etmək, onların sosial bacarıqlarını gücləndirmək, özünəinam və motivasiyasını artırmaq, eləcə də potensiallarını üzə çıxarmaq olub.

Tədbir zamanı müxtəlif sahələrdə uğur qazanmış əlilliyi olan şəxslər öz həyat və uğur hekayələrini bölüşərək gənclərə ilham, güvən və yeni baxış bucağı qazandırıblar. Eyni zamanda, istedadlı gənclərin ifasında baş tutan musiqili çıxışlar tədbirə yüksək əhval-ruhiyyə qatıb.

Qeyd edək ki, Gənclər Fondu tərəfindən Azərbaycan Gəncləri Gününə həsr olunmuş “GəncLAND” Gənclər Festivalı, “GəncİNTELLEKT” ölkənin ən böyük fərdi intellektual yarışı, “GəncVİZYON” İdeyatonu və “GəncTALKS” Motivasiya Platforması adlı genişmiqyaslı tədbirlər baş tutub. Silsilə tədbirlər gənclərin sosial fəallığının artırılması, yaradıcılıq və innovativ düşüncə tərzinin təşviqi, eləcə də onların asudə vaxtlarının səmərəli təşkili məqsədi daşıyır.

Fərdi intellektual yarış gənclərin müxtəlif sahələr üzrə biliklərini sınamaq və artırmaq, analitik və sürətli düşünmə qabiliyyətlərini gücləndirmək, fərdi potensialını üzə çıxarmaq və sağlam rəqabət mühiti formalaşdırmaq məqsədi daşıyır.

İntellektual yarışın açılış mərasimində çıxış edən Azərbaycan Respublikasının Gənclər Fondunun icraçı direktor vəzifəsini icra edən Yusif Vəliyev və Azərbaycan Respublikasının Milli Məclisinin deputatı Naqif Həmzəyev qeyd ediblər ki, ölkədə gənclərin intellektual potensialının gücləndirilməsi, bilik və bacarıqlarının üzə çıxarılması baxımından bu cür yarışlar mühüm əhəmiyyət daşıyır. Çıxışlarda vurğulanıb ki, gənclərin fərdi inkişafına xidmət edən təşəbbüslərin dəstəklənməsi dövlət gənclər siyasətinin əsas prioritetlərindəndir və bu istiqamətdə həyata keçirilən layihələr gənclərin cəmiyyətin aktiv və məsuliyyətli üzvləri kimi formalaşmasına töhfə verir.

Qeyd edək ki, 16–29 yaş arası və intellektual gücünə güvənən 723 gənc biliklərini nümayiş etdirmək, intellektual mühitdə fərqlənmək və öz potensiallarını reallaşdırmaq üçün yarışdan qeydiyyatdan keçiblər. Komanda deyil, fərdi oyun formatında təşkil olunan “GəncİNTELLEKT” yarışında iştirakçılar müxtəlif mövzular üzrə hazırlanmış sualları cavablandırıblar. Yarış iki mərhələli seçim prosesi əsasında keçirilib. Belə ki, 310 gənc yarımfinal mərhələsində iştirak edib, daha sonra ən yüksək nəticə göstərən 64 gənc final mərhələlərində mübarizəni davam etdirmək hüququ qazanıblar. Final mərhələsinin yekununda 4 gənc intellektual mübarizənin qalibi olub.

Gənclərin həyəcanlı mübarizəsi ilə yadda qalan “GənİNTELLEKT” fərdi intellektual yarışı Gənclər Fondu, Azərbaycan Respublikası Gənclər Təşkilatları Milli Şurası, Azərbaycan Tələbə Gənclər Təşkilatları İttifaqı, Azərbaycan Könüllü Təşkilatları İttifaqı, Azərbaycanlı Tələbələr və Məzunlar Platforması, “Böyük Qayıdış” Gənclər Təşkilatı, “CAVAN” Gənclər Hərəkatı, “Gənclərin Maarifləndirilməsinə Dəstək” İctimai Birliyi və “Gənc Könüllülər” İctimai Birliyinin birgə təşkilatçılığı ilə həyata keçirilib.

Xatırladaq ki, Gənclər Fondu tərəfindən Azərbaycan Gəncləri Gününə həsr olunmuş genişmiqyaslı tədbirlər “GəncVİZYON” İdeyatonu və “GəncTALKS” Motivasiya Platforması ilə davam edəcək. Silsilə tədbirlər gənclərin sosial fəallığının artırılması, yaradıcılıq və innovativ düşüncə tərzinin təşviqi, eləcə də onların asudə vaxtlarının səmərəli təşkili məqsədi daşıyır.