Festival 13 iyul-4 sentyabr tarixlərində Azərbaycan Respublikasının Gənclər Fondunun dəstəyi və İDEA İctimai Birliyi, Azərbaycan Respublikası Gənclər Təşkilatları Milli Şurası (NAYORA), Azərbaycan Tələbə Gənclər Təşkilatları İttifaqı (ATGTİ), Azərbaycan Könüllü Təşkilatları İttifaqı (AKTİ), “Böyük Qayıdış” Gənclər Təşkilatı, “CAVAN” Gənclər Hərəkatı İctimai Birliyi və “Gənc Könüllülər” İctimai Birliyinin birgə təşkilatçılığı ilə Şamaxıda keçiriləcək.

Artıq altıncı dəfədir ki, təşkil olunan Yay Fest 2026 ötən illər ərzində minlərlə gənci bir araya gətirərək onların intellektual, şəxsi və peşəkar inkişafına mühüm töhfələr verib, yeni dostluqların və innovativ təşəbbüslərin stimullaşdığı gənclər platforması kimi yadda qalıb. Festival bu gün təkcə açıq havada düşərgə formatında keçirilən layihə deyil, eyni zamanda ölkənin gənclər siyasətinin prioritet istiqamətlərini özündə əks etdirən, gənclərin liderlik potensialının inkişafını, ictimai iştirakçılığını, müasir bacarıqlarının formalaşmasını və dövlətçilik ənənələrinə bağlılığını təşviq edən layihə kimi özünü təsdiq edib.

Festivalın cari il üzrə konseptual mövzusu müasir dünyanın inkişaf trayektoriyasını müəyyən edən əsas istiqamətlər – süni intellekt, rəqəmsal transformasiya və innovasiyalar üzərində qurulub. Festival çərçivəsində iştirakçılar süni intellekt texnologiyalarının tətbiq imkanları, rəqəmsal həllər, innovasiya ekosistemi və gələcəyin peşələri ilə bağlı ən aktual mövzularda praktiki bilik və təcrübə əldə etmək imkanı qazanacaqlar. Belə ki, bu il süni intellekt və rəqəmsallaşmaya həsr olunan festivalda “Rəqəmsal Dövlət”, “Media və Rəqəmsal Savadlılıq”, “Kreativ AI”, Müasir Şəhərlər və Texnologiya”, “Elm, Etika və Gələcək”, “Mühəndislik və Kod”, “Startap və Sahibkarlıq”, “AI – İdman və Sağlamlıq” adlı ardıcıl 8 düşərgə təşkil ediləcək.

Festival çərçivəsində hər biri 5 gün davam edən düşərgələrdə ümumilikdə 2 mindən çox gənc iştirak edəcək.

Çadır tipli düşərgələrdə iştirakçılar dövlət qurumlarının, özəl sektorun və texnologiya sahəsinin aparıcı mütəxəssisləri ilə motivasiyaedici görüşlərdə, panel müzakirələrdə, master-klasslarda və vörkşoplarda iştirak edəcəklər. Eyni zamanda festival müddətində keçiriləcək idman yarışları, intellektual müsabiqələr, komanda quruculuğu oyunları və konsert proqramları iştirakçıların asudə vaxtının səmərəli təşkili ilə yanaşı, onların şəbəkələşməsinə və komanda ruhunun inkişafına təkan verəcək.

Azərbaycan Respublikasının Gənclər Fondu 18–25 yaş aralığında ictimai fəallığı ilə seçilən gəncləri https://yayfest.az/ vasitəsilə qeydiyyatdan keçərək müsahibə mərhələsində iştirak etməyə dəvət edir.

Qeyd edək ki, düşərgədə iştirak ödənişsizdir və hər bir gənc yalnız bir düşərgədə iştirak etmək hüququna malikdir.

“Gənclərlə, gənclər üçün” şüarı altında keçirilən layihənin Oğuzdakı açılış mərasimi Dövlət Himnin səsləndirilməsi və ölkəmizin suverenliyi uğrunda canından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Açılış mərasimində Oğuz Rayon İcra Hakimiyyəti başçısının müavini Aliyə Osmanova, Gənclərin İnkişaf və Karyera Mərkəzinin Baş direktoru Azər Əliyev və Oğuz Rayonu üzrə Təhsil sektorunun müdiri Sərdar Nəbiyev iştirak ediblər. Rəsmi çıxışlar zamanı sözügedən layihənin region gənclərinin fərdi və peşəkar inkişafındakı əhəmiyyətindən danışılıb, gənclərin bilik dairəsinin genişləndirilməsi, ictimai fəallığının stimullaşdırılması və dövlət tərəfindən yaradılmış dəstək mexanizmlərinin regionlarda yaşayan gənclərə birbaşa çatdırılması baxımından faydaları vurğulanıb.

Tədbir zamanı gənclər açıq hava məkanında xüsusi hazırlanmış “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik”, eləcə də “Əyləncə” zonalarına yaxınlaşaraq vörkşoplar, master-klasslar, viktorinalar və intellektual oyunlarda fəal iştirak ediblər. Eyni zamanda, iştirakçılar üçün Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyası tərəfindən maarifləndirici təlimlər, peşəkar mütəxəssislərin təqdimatında gənclər üçün ixtisas seçimi, karyera planlaması və şəxsi inkişaf, süni intellekt alətlərinin yaratdığı imkanlar və sağlam həyat tərzi mövzularında sessiyalar keçirilib.  Təşkil edilən fəaliyyətlərin yekununda aktivliyi ilə seçilən gənclərə həvəsləndirici mükafatlar təqdim olunub.

Xatırladaq ki, “Səyyar Gənclər Xidməti” layihəsi Azərbaycan Respublikasının Gənclər Fondunun dəstəyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin birgə təşkilatçılığı ilə həyata keçirilir. Layihənin əsas məqsədi ölkəmizdə dövlət gənclər siyasətinin yaratdığı imkan və xidmətlərin, o cümlədən, məşğulluq, innovasiya və rəqəmsallaşma kimi sahələrdə həyata keçirilən təşəbbüslərin regionlarda yaşayan gənclər üçün əlçatanlığına töhfə verməkdən ibarətdir. Noyabr ayınadək davam edəcək olan layihə ümumilikdə respublikamızın 20 şəhər və rayonunu əhatə edəcək.

“Səyyar Gənclər Xidməti” layihəsinin əsas məqsədi ölkəmizdə uğurla həyata keçirilən dövlət gənclər siyasətinin yaratdığı imkan və xidmətlərin, o cümlədən, məşğulluq, innovasiya və rəqəmsallaşma kimi sahələrdə həyata keçirilən təşəbbüslərin regionlarda yaşayan gənclər üçün əlçatanlığına töhfə verməkdən ibarətdir. Layihə çərçivəsində ümumilikdə respublikamızın 20 inzibati vahidinin ucqar kəndlərində yaşayan gənclərin ictimai fəallığının artırılması, dövlətçilik ənənələrinin təşviq edilməsi, şəxsi və peşəkar inkişafına yönəlmiş təlim, seminar və görüşlərin təşkil olunması, cəmiyyətin prioritet fəaliyyət sahələri üzrə düzgün maarifləndirilməsi hədəflənir.

23 iyun tarixində Şəki şəhərində baş tutan açılış mərasimi Dövlət Himnin səsləndirilməsi və ölkəmizin suverenliyi uğrunda canından keçən şəhidlərimizin əziz xatirəsinin bir dəqiqəlik sükutla yad edilməsi ilə başlayıb. Açılış mərasimində Azərbaycan Respublikasının Gənclər Fondunun icraçı direktoru vəzifəsini icra edən Yusif Vəliyev, Şəki Şəhər İcra Hakimiyyəti başçısının müavini – Ərazi-təşkilat və ictimai-siyasi məsələlər şöbəsinin müdiri Xəyalə Töhrablı, Gənclərin İnkişaf və Karyera Mərkəzinin Baş direktoru Azər Əliyev və Vətən müharibəsi qazisi Mustafa Novruzlu iştirak ediblər. Rəsmi çıxışlar zamanı layihənin region gəncləri üçün əhəmiyyətindən bəhs edilib, gənclərin hərtərəfli inkişafına, bilik və bacarıqlarının artırılmasına, onların ictimai fəallığının yüksəldilməsinə və inkişaf imkanlarının birbaşa gənclərin yaşadığı ərazilərə çatdırılmasına mühüm töhfə verdiyi vurğulanıb. Tədbirin açılış hissəsi gənclərin ifasında vətənpərvərlik ruhunda musiqili çıxışlarla yekunlaşıb.

Tədbir zamanı xüsusi hazırlanmış açıq hava məkanında gənclər üçün dövlət qurumları və özəl sektorun nümayəndələri ilə görüşlər, gənclərə vətənpərvərlik ruhunun aşılanması, onların yaradıcılıq potensialının inkişafı, rəqəmsal bacarıqların artırılması, vətənpərvərlik və sağlam həyat tərzi üzrə məlumatlılığının gücləndirilməsi, təhsil və karyera imkanlarının inkişaf etdirilməsi istiqamətində müxtəlif maarifləndirici sessiyalar təşkil edilib.

Səyyar Gənclər Xidmətinin əsas yeniliklərindən biri də gənclər üçün müxtəlif istiqamətləri əhatə edən tematik zonaların yaradılmasıdır. Gənclər “Vətənpərvərlik”, “Təhsil və karyera”, “Rəqəmsal düşüncə”, “Fiziki aktivlik və sağlamlıq”, “Yaradıcı gənclik”, eləcə də “Əyləncə” zonalarında interaktiv fəaliyyətlərdə – vörkşoplar, master-klasslar, viktorinalar və intellektual oyunlarda fəal iştirak ediblər. Tədbir zamanı təşkil olunan fəaliyyətlərdə fəallığı ilə seçilən gənclər mükafatlandırılıb.

Layihə Şəki gənclərinə 27 iyun tarixinədək xidmət göstərəcək.

Qeyd edək ki, Azərbaycan Respublikasının Gənclər Fondunun dəstəyi, Gənclərin İnkişaf və Karyera Mərkəzi və “Gənc Könüllülər” İctimai Birliyinin birgə təşkilatçılığı ilə həyata keçirilən “Səyyar Gənclər Xidməti” layihəsi bu il Şəki, Oğuz, Qəbələ, İsmayıllı, Ağsu, Şamaxı, Qobustan, Xızı, Lənkəran, Astara, Lerik, Yardımlı, Salyan, Kürdəmir, Ucar, Zərdab, Ağcabədi, Laçın, Zəngilan və Füzulidən olan 8 mindən çox gənci əhatə edəcək.

300 gəncin iştirak etdiyi forumun məqsədi gənclərin süni intellekt sahəsində biliklərinin artırılması, bu texnologiyanın yaratdığı imkanlar barədə məlumatlandırılması və gələcəyin əmək bazarına hazırlıqlarına dəstək olmaq olub.

Tədbirin açılış mərasimində Milli Məclisin deputatı Naqif Həmzəyev, Azərbaycan Respublikasının Gənclər Fondunun Gənclər təşkilatları ilə iş şöbəsinin müdiri Nail Şükürov, Gənclərin İnkişaf və Karyera Mərkəzinin Baş direktoru Azər Əliyev və Milli Süni İntellekt Mərkəzinin Baş məhsul sahibi İbrahim Süleymanov çıxış edərək süni intellektin inkişaf perspektivləri və dövlətin bu istiqamətdə gənclər üçün yaratdığı imkanlardan bəhs ediblər.

Daha sonra “Gənclərin karyera inkişafında süni intellektin rolu: imkanlar və çağırışlar” mövzusunda panel sessiyası keçirilib.  GİKM-in Layihələrin və proqramların idarə edilməsi şöbəsinin müdiri Jalə Həsənovanın moderatorluğu ilə baş tutan panel müzakirəsində “ASAN AI Hub”ın rəhbəri Ləman İbrahimova, “Paşa Holding”in Xarici innovasiyalar üzrə meneceri və “INMerge Ventures”də partnyor Hüseyn Mahmudov, “KPMG Azərbaycan” şirkətininc Data & AI Komanda rəhbəri Toğrul Cabbarlı və “Azerconnect Group”da Süni intellekt həlləri və mühəndislik üzrə menecer Nihat Abdullayev spiker qismində iştirak edib. Spikerlər süni intellektin əmək bazarına təsiri, innovasiya trendləri və karyera imkanları barədə fikirlərini bölüşüblər.

Həmçinin, forum çərçivəsində Milli Süni İntellekt Mərkəzinin süni intellekt mühəndisi Murad Bağırlı tərəfindən “Gənclər üçün Süni intellekt savadlılığı: Nələri bilməliyik?” mövzusunda təqdimat keçirilib.  Eyni zamanda, Gənclərin İnkişaf və Karyera Mərkəzi tərəfindən hazırlanmış yeni nəşr – “Karyera quruculuğunda süni intellekt bələdçisi” təqdim olunub.

Gənclərin İnkişaf və Karyera Mərkəzi tərəfindən son illərdə Bakı və regionlarda keçirilən süni intellekt forumları, təlimlər və maarifləndirici tədbirlər gənclərin bu sahədə bilik və bacarıqlarının inkişafına töhfə verir. Bu tədbirlər iştirakçılara yeniliklərlə tanış olmaq və mütəxəssislərlə əlaqə qurmaq imkanı yaradır. Artan marağı və bu istiqamətdə formalaşan ehtiyacı nəzərə alaraq, gələcəkdə bu kimi tədbirlərin əhatə dairəsinin daha da genişləndirilməsi və ölkənin müxtəlif bölgələrində davamlı şəkildə keçirilməsi nəzərdə tutulur.

Layihə çərçivəsində Yevlax rayonundan müraciət edən 20 gənc ailə seçilərək cari il ərzində xüsusi təlim proqramına cəlb olunub. Təlimlər zamanı iştirakçılara təcrübəli arıçılar tərəfindən həm nəzəri biliklər, həm də praktik bacarıqlar aşılanıb. Təlim proqramını başa vuran iştirakçılara arıçılıq təsərrüfatı qurmaq üçün arı ailələri, pətəklər, arıçı geyimləri, balsüzən aparat və digər zəruri avadanlıqlar təqdim olunub. Bununla da gənc ailələrin müstəqil təsərrüfat fəaliyyətinə başlaması üçün lazımi şərait yaradılıb.

Növbəti dövrdə isə layihə iştirakçılarına təsərrüfatlarının inkişafı, məhsuldarlığın artırılması və istehsal etdikləri təbii bal məhsullarının təqdimatı və satışı istiqamətində dəstək göstərilməsi davam etdiriləcək.

“Gənc arıçı” layihəsi IDEA İctimai Birliyi, Gənclər Fondu, Dövlət Məşğulluq Agentliyi və ABAD publik hüquqi şəxsin tərəfdaşlığı ilə 2021-ci ildən həyata keçirilir. Bu günədək layihə çərçivəsində ölkənin müxtəlif regionlarında yaşayan 80-dən çox gənc ailəyə arıçılıq təsərrüfatının qurulmasına dəstək göstərilib. Layihə iştirakçılarının istehsal etdikləri təbii bal məhsulları müxtəlif bal festivalları və yarmarkalarında təqdim olunub.

Layihənin xüsusi məqamlarından biri də Leyla Əliyevanın ötən dövr ərzində regionlara səfərləri zamanı “Gənc arıçı” layihəsinin iştirakçılarını evlərində ziyarət etməsi, onların təsərrüfatları ilə tanış olması, fəaliyyətləri ilə maraqlanması və dəstək göstərməsidir.

Qeyd edək ki, “Gənc arıçı” layihəsinin əsas məqsədi biomüxtəlifliyin qorunmasında mühüm rol oynayan arıların ölkə üzrə yayılma arealının genişləndirilməsi, arıçılığın ekosahibkarlıq forması kimi regionlarda təşviqi, ekoloji cəhətdən təmiz kənd təsərrüfatı fəaliyyətlərinin dəstəklənməsi və keyfiyyətli təbii bal istehsalının artırılmasıdır.

Eyni zamanda, layihə gənc ailələrin sosial rifahının yaxşılaşdırılmasına, regionlarda dayanıqlı məşğulluğun təmin olunmasına və ailə təsərrüfatlarının inkişafına töhfə verir.

Gənclərin innovasiya, süni intellekt və rəqəmsal bacarıqlarının inkişafını dəstəkləmək məqsədilə yaradılan proqram böyük maraqla qarşılanıb. Ümumilikdə 1851 nəfərin müraciət etdiyi proqram çərçivəsində iştirakçılar bir neçə seçim mərhələsindən keçiblər. İlkin qiymətləndirmə və test mərhələsini uğurla başa vuran namizədlər sonda müsahibə mərhələsində iştirak edib və yekunda ən yüksək nəticə göstərən 25 nəfər proqramın qalibi seçilib.

Proqram çərçivəsində qalib gənclər süni intellekt, data analitikası, proqramlaşdırma və UI/UX dizayn istiqamətləri üzrə praktiki bilik və bacarıqlar əldə edəcəklər. Tədris prosesi iştirakçıların real layihələr üzərində işləməsinə və gələcəyin peşələri üzrə praktiki təcrübə qazanmasına imkan yaradacaq.

Uzunmüddətli tərəfdaşlıq çərçivəsində həyata keçirilən təşəbbüs ölkədə innovasiya ekosisteminin inkişafına, rəqabətqabiliyyətli insan kapitalının formalaşmasına və gənclərin texnologiya sahəsində potensialının gücləndirilməsinə töhfə verməyi hədəfləyir.

Qeyd edək ki, qarşıdakı müddətdə ümumilikdə 150 gəncin təqaüd imkanından yararlanması nəzərdə tutulur.

Müsabiqənin məqsədi dövlət gənclər siyasətinin prioritetlərinə uyğun olaraq gənclərin və gənclər təşkilatlarının potensialının inkişaf etdirilməsi, onların cəmiyyətin sosial, iqtisadi, mədəni və ictimai həyatında fəal iştirakının təşviqi, innovativ və ictimai faydalı təşəbbüslərinin dəstəklənməsi, həmçinin gənclərin milli-mənəvi dəyərlərə sadiq, vətənpərvər, yaradıcı və sosial məsuliyyətli fərdlər kimi formalaşmasına töhfə verməkdir.

Layihələrin müddəti:

Müsabiqəyə təqdim olunmuş layihə kateqoriyaları üzrə müraciətlərin icra müddəti 3 aydan az, 12 aydan çox olmamalıdır.

Layihələrin məbləği:

Fond tərəfindən hər bir fərdi layihə çərçivəsində ayrılan qrant məbləği 5 000 (beş min) manatdan, gənclər təşkilatlarının yerli layihələr üzrə müraciət məbləğinin dəyəri 10 000 (on min) manatdan, beynəlxalq layihələr üzrə 15 000 (on beş min) manatdan çox olmamalıdır.

Layihələrin təqdim olunmasına dair əsas tələblər:

• Müsabiqədə iştirak etmək üçün 18-29 yaş aralığında Azərbaycan vətəndaşı olan gənclər və gənclər təşkilatları Fondun rəsmi internet saytından (www.youthfoundation.az) qeydiyyatdan keçməli və saytda əks olunan formaya uyğun olaraq, elektron qaydada müraciət etməlidir;
• Müsabiqə çərçivəsində gənclər təşkilatları tərəfindən yerli və beynəlxalq layihə kateqoriyaları üzrə təqdim olunan yalnız bir layihənin maliyyələşdirilməsi Fond tərəfindən mümkün hesab olunur;
• Müsabiqə çərçivəsində gənclər tərəfindən yalnız yerli layihə kateqoriyası üzrə təqdim olunan bir layihənin maliyyələşdirilməsi Fond tərəfindən mümkün hesab olunur;
• Gənclər təşkilatları üçün layihələr yerli və beynəlxalq kateqoriyalar üzrə maliyyələşdirilir – Azərbaycan Respublikasında dövlət qeydiyyatına alınan gənclər təşkilatlarının Azərbaycan Respublikasının ərazisində həyata keçirdiyi fəaliyyət yerli layihələr; ən azı iki xarici ölkədən olan gənclər təşkilatı və beş ölkəni təmsil edən gənclərin iştirakı ilə Azərbaycan Respublikasında dövlət qeydiyyatına alınmış gənclər təşkilatlarının Azərbaycan Respublikasında həyata keçirdiyi, habelə Azərbaycan Respublikasından olan gənclərin iştirakı ilə xarici ölkələrdə həyata keçirilməsi nəzərdə tutulan fəaliyyət beynəlxalq layihələr kateqoriyasına aiddir;
• Digər qurumlar tərəfindən tam maliyyələşdirilmiş, icrası davam edən və ya başa çatmış layihələr Fond tərəfindən əlavə və ya təkrar maliyyələşdirilə bilməz.

Aşağıdakı resipiyentlərin (qrant alanların) müsabiqədə iştirakına yol verilmir:

• Fond tərəfindən maliyyələşdirilmiş və icra müddəti başa çatmamış layihələrin icraçıları;
• Fond tərəfindən maliyyələşdirilmiş layihələrinin icra müddəti başa çatmış, lakin yeni müsabiqə üzrə müraciətlərin qəbulu üçün müəyyən edilmiş son tarixə 15 (on beş) gün qalmış maliyyə hesabatlarını Fonda təqdim etməmiş qrant alanlar;
• Siyasi, xeyriyyə, kommersiya və dini məzmunlu layihə təklifləri;
• Təqdim etdikləri məlumat və sənədlərdə yanlış, natamam və ya həqiqətə uyğun olmayan məlumat müəyyən edilən şəxslərin\təşkilatların layihə təklifləri;
• Fondun bundan öncə reallaşdırdığı müsabiqələrə təqdim edilmiş və ya əvvəl maliyyələşdirilmiş layihələrin tam və ya qismən təkrarı olduğu müəyyən edilən layihə təklifləri;
• Müəllif hüquqlarını, etik normaları və qüvvədə olan qanunvericiliyin tələblərini pozan layihə təklifləri;

Layihələr seçilərkən üstünlük veriləcək meyarlar:

• Müraciətlərə Azərbaycan Respublikasının Gənclər Fondunun Müşahidə Şurasının 6 iyul 2022-ci il tarixli Q-01 nömrəli Qərarı ilə təsdiq edilmiş “Azərbaycan Respublikasının Gənclər Fonduna gənclər siyasəti ilə bağlı proqram və layihələrin qrant maliyyələşdirilməsi üzrə müsabiqələr çərçivəsində və müsabiqədən kənar gənclər təşkilatlarından daxil olan layihə təkliflərinin ekspertiza və qiymətləndirmə meyarları”na əsasən baxılır;
• Dövlət qeydiyyatına alınmış gənclər təşkilatları tərəfindən təqdim edilən layihələrin təşkilatın nizamnaməsinə uyğun fəaliyyət istiqamətlərini əhatə etməsi layihələrin qiymətləndirilməsi zamanı üstünlük təşkil edir;
• Layihələrin mövzuya uyğunluğu, innovativ yanaşmaları, geniş gənc auditoriyanı əhatə etməsi və ictimai faydalılıq potensialı qiymətləndirmə zamanı əsas meyarlardan hesab olunur;
• Sosial baxımdan həssas kateqoriyalara aid olan, regionlarda yaşayan, ictimai fəal və könüllü gənclərin iştirakını nəzərdə tutan layihələrə üstünlük verilir;

Müsabiqənin başlama tarixi:

Layihə təklifləri 22 may 2026-cı il tarixindən başlayaraq təqdim edilə bilər.

Layihə təkliflərinin qəbulu üçün son tarix:

Layihə təklifləri üçün son müraciət tarixi 28 iyun 2026-cı il, saat 18:00 müəyyən edilib.

Layihə müraciətləri üzrə mövzular: Layihə müraciətləri üzrə mövzularla buradan tanış ola bilərsiniz.

Qeyd 1: Azərbaycan Respublikasının Gənclər Fondunun gənclər siyasəti ilə bağlı proqram və layihələrin qrant maliyyələşdirilməsi üzrə sənəd və materiallar toplusu ilə buradan tanış ola bilərsiniz.

Qeyd 2: Layihələrin icra müddətinin başlamasının 15 avqust 2026-cı il tarixindən nəzərdə tutulması tövsiyə olunur.

Müraciət üçün: Elektron kabinetə giriş

Təqaüd proqramı üçün qeydiyyatdan keçmiş 1851 namizədin ilkin qiymətləndirilməsi beş əsas meyar əsasında həyata keçirilib. Sözügedən meyarlar namizədin akademik göstəricilərini, seçilmiş texnoloji istiqamət üzrə uyğunluq səviyyəsini, motivasiya və fərdi inkişaf potensialını, ictimai fəallığını, eləcə də sosial vəziyyətini əhatə edib. İlkin seçim mərhələsini uğurla keçmiş 200 gənc aprel ayının 23 və 24-də mərhələli şəkildə təşkil olunan imtahan prosesində iştirak ediblər. Namizədlər məntiqi düşüncə, informasiya texnologiyalarının əsasları və süni intellekt savadlılığı üzrə təqdim olunan test tapşırıqlarını cavablandırıblar.

İmtahan mərhələsində yüksək nəticə göstərən 55 gənc müsahibə mərhələsində iştirak hüququ əldə edib. Müsahibə mərhələsinə keçən gənclərin siyahısı ilə aşağıdakı keçid vasitəsilə tanış ola bilərsiniz.

Təqaüd proqramının son seçim mərhələsi olan müsahibə prosesi çərçivəsində namizədlərin seçdikləri texnoloji istiqamət üzrə nəzəri və praktiki bilikləri, təqaüd proqramından gözləntiləri, komanda ilə işləmək və problem həlletmə bacarıqları, eləcə də şəxsi inkişaf potensialları və motivasiya səviyyələrinin kompleks yanaşma əsasında qiymətləndirilməsi nəzərdə tutulur. Müsahibə mərhələsini uğurla keçən namizədlər isə proqram çərçivəsində təqaüdlə ixtisaslarını artırmaq şansı qazanacaqlar. Belə ki, təqaüdçü gənclər süni intellekt əsaslı texnologiyalar, data analitika və rəqəmsal qərarvermə, proqramlaşdırma və proqram təminatı, rəqəmsal məhsul və platforma bacarıqları, texnologiya əsaslı innovasiya və startap bacarıqları üzrə praktiki bilik və bacarıqlara yiyələnmək imkanı əldə edəcəklər.

Birgə tərəfdaşlıq çərçivəsində həyata keçirilən bu təşəbbüsün əsas məqsədi gənclərin rəqəmsal və innovasiya bacarıqlarının inkişaf etdirilməsi, ölkədə innovasiya ekosisteminin gücləndirilməsi və gənc mütəxəssislərin hazırlanmasına töhfə verməkdir.

Gənclər Təşkilatlarının Resurs Mərkəzində baş tutan tədbir zamanı Azərbaycan Respublikasının Gənclər Fondunun şöbə müdiri İsmayıl Süleymanov, Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasının İşçi Qrupnun əməkdaşı Şahin İsmayılov, Daxili İşlər Nazirliyinin Baş Narkotiklərlə Mübarizə İdarəsinin təhqiqat qrupunun rəisi Nəcəf Aydınoğlu, Azərbaycan Milli Antidopinq Agentliyinin şöbə müdiri Nicat Əmiraslanlı və Səhiyyə Nazirliyi Bakı Şəhər Narkoloji Mərkəzinin sosioloqu Fidan Ataxanlı çıxış edərək narkotik vasitələrə qarşı mübarizə istiqamətində həyata keçirilən tədbirlər, bu maddələrin cəmiyyətdə yaratdığı sosial və tibbi problemlər, asılılığın formalaşma mərhələləri, eləcə də mənəvi-əxlaqi dəyərlərə vurduğu zərər barədə geniş məlumat veriblər.  Eyni zamanda, çıxışlar zamanı narkotik və psixotrop maddələrin xüsusiyyətləri və onların insan orqanizminə, xüsusilə psixoloji sağlamlığa göstərdiyi mənfi təsirlərdən bəhs edilib, yeniyetmə və gənclərin asudə vaxtlarının səmərəli təşkili və sağlam həyat tərzinin formalaşdırılması istiqamətində keçirilən tədbirlərinin əhəmiyyəti xüsusi vurğulanıb. Maarifləndirici sessiya Azərbaycan Respublikasının Gənclər Fondunun əməkdaşı Seyfur Hacımuradovun moderatorluğu ilə interaktiv formada davam etdirilib.

Qeyd edək ki, bu kimi tədbirlər gənclərin maarifləndirilməsi məqsədilə “Narkotik vasitələrin, psixotrop maddələrin və onların prekursorlarının qanunsuz dövriyyəsinə və narkomanlığa qarşı mübarizəyə dair 2025–2030-cu illər üçün Dövlət Proqramı”nın həyata keçirilməsi üzrə Tədbirlər Planının müvafiq  yarımbəndlərinə uyğun olaraq il ərzində ölkənin müxtəlif şəhər və rayonlarında mütəmadi həyata keçirilir.

23-24 aprel tarixlərində mərhələli şəkildə keçirilən imtahan prosesində iştirak edən namizədlər məntiqi düşüncə, informasiya texnologiyalarının əsasları, süni intellekt savadlılığı və bu sahədə etik davranış qaydaları üzrə təqdim olunan test tapşırıqlarını cavablandırıblar.

İmtahanda yüksək nəticə göstərən iştirakçılar isə növbəti seçim mərhələsi olan müsahibəyə dəvət olunacaqlar. Müsahibə prosesi çərçivəsində namizədlərin analitik düşünmə qabiliyyəti, problem həll etmə bacarıqları və motivasiyası hərtərəfli şəkildə qiymətləndiriləcək.

Xatırladaq ki, proqram çərçivəsində təqaüd haqqı qazanmış gənclər süni intellekt əsaslı texnologiyalar, data analitika və rəqəmsal qərarvermə, proqramlaşdırma və proqram təminatı, rəqəmsal məhsul və platforma bacarıqları, texnologiya əsaslı innovasiya və startap bacarıqları üzrə praktiki bilik və bacarıqlara yiyələnmək imkanı əldə edəcəklər.

Birgə tərəfdaşlıq çərçivəsində keçirilən bu təşəbbüs gənclərin potensialının üzə çıxarılmasına, innovasiya ekosisteminin gücləndirilməsinə və gənc mütəxəssislərin formalaşmasına töhfə vermək məqsədi daşıyır.