“Qalibiyyət, şəhidlər və şahidlər” adlı layihə keçirilmişdir

203

24 dekabr 2018-ci il tarixində Azərbaycan Respublikasının Gənclər Fondunun elan etdiyi XI qrant müsabiqəsi çərçivəsində qalib layihə seçilmiş “Qalibiyyət, şəhidlər və şahidlər” başlıqlı sosial çarxın Yeni Azərbaycan Partiyası Nərimanov rayon təşkilatının inzibati binasında təqdimatı keçirilmişdir.Tədbir Azərbaycan Respublikasının Dövlət Himninin səsələndirilməsi ilə açıq elan olunmuşdur. Layihə rəhbəri Anar Ağayi 2016-cı il aprel ayında baş verən döyüşlər zamanı vətənpərvər şəhidlərimizin göstərdikləri şücaətlərdən ətraflı söhbət açmışdır. Açılış tədbirində “Qalibiyyət, şəhidlər və şahidlər” kitabının yazıçısı, jurnalist Aidə Eyvazlı aprel döyüşləri barəsində fikirlərini tədbir iştirakçıları ilə bölüşmüşdür.
Daha sonra aprel döyüşlərində qəhrəmancasına şəhid olmuş Baş Kəşfiyyat İdarəsinin rəisi, polkovnik-leytenant Axundov Sənanın həyat yoldaşı, eyni zamanda 45 saylı məktəbin direktoru Axundova Nəcibə Novruz qızı şəhidimizin bu döyüşlər zamanı göstərdiyi vətənpərvərlik barəsində ətraflı çıxış etmiş və həmin məktəbin 4E sinif şagirdi, Allahverdiyeva Aysunun qəhrəmanlıq barəsindəki şeiri dinlənilmişdir.Tədbirə aprel döyüşlərində şəhid olmuş qəhrəmanlardan bəhs edən video çarxın nümayişi ilə yekun vurulmuşdur.