“Azərbaycan qarşısında borc” gənclərin vətənpərvərlik ruhunda tərbiyəsi təşəbbüsü” layihəsinin regionlara təqdimat səfəri bitmişdir

608
Azərbaycan Respublikasının Prezidenti yanında Gənclər Fondununun 10-cu qrant müsabiqəsinin qalibi olmuş Azərbaycan Skautlar Assosiasiyasına məxsus “Azərbaycan qarşısında borc” gənclərin vətənpərvərlik ruhunda tərbiyəsi təşəbbüsü” layihəsi çərçivəsində Şirvan, Xaçmaz, Quba, Mingəçevir, Ağdam və Balakən rayonlarında 3-24 fevral 2018-ci il tarixlərində həm layihə, həm də skaut hərəkatı barədə təqdimatlar təşkil olunmuşdur. Təqdimatlar yerli gənclərin çox böyük marağına səbəb olmuş və layihəyə qatılmaq üçün çoxlu anketlər qəbul olunmuşdur. Ümumilikdə 6 regionda təqdimatlara 200-dən çox yeniyetmə və gənclər qatılmışlar.
Layihənin regionlarda təqdimat səfəri – icra planına uyğun olaraq layihənin 2-ci fəaliyyəti bitmişdir. Layihənin növbəti mərhələsində regionlardan seçilmiş gənclər 22-25 mart 2018-ci il tarixlərində Masallı rayonunda təşkil olunacaq Liderlik təlimlərinə qatılacaqlar. Bümumiyyətlə növbəti mərhələdə: təlimə hazırlıq, ekspertlərin cəlbi və təlimlərin keçirilməsi nəzərdə tutulmuşdur. Azərbaycan Skautlar Assosiasiyasının təlimlər haqqında qaydalarına uyğun olaraq xüsusi proqram əsasında təşkil olunacaq təlimlər üçün təlimçilər ilə təşkilat tərəfindən əlaqələr qurularaq təlimlərə cəlb olunacaqlar. Təlimin əsas məqsədi gənc vətənpərvər skaut liderləri yetişdirmək, onlara peşəkar skaut bilik və bacarıqları aşılamaqdır. Təlimi uğurla başa vurmuş iştirakçılar skaut liderliyi ilə bağlı sertifikatlar əldə edəcəklər. Həmçinin iştirakçılar təlimlərdən sonra öz rayonnlarında 15-20 nəfərlik skaut dəstəsi formalaşdırılmalıdırlar. Bütün bunlardan sonra layihə idarəçiləri tərəfindən monitorinq həyata keçiriləcəkdir ki, bunun da məqsədi keçirilmiş təlimlərin effektliliyinin qiymətləndirilməsi olacaqdır.
Qeyd üçün onu da bildirək ki, layihənin əsas məqsədi skaut hərəkatı vasitəsilə regionlarda yeniyetmə və gəncləri vətənpərvər ruhda tərbiyə etmək, onların ictimai fəallığını artırmaq, Respublika səviyyəsində hərəkatın inkişafına nail olmaq və bununla da ölkəmizdə uğurlar davam etdirilən gənclər siyasətinə tövhə verməkdən ibarətdir.