“Evimiz Yaşıl Olsun!” layihəsinin icrası uğurla davam edir

36

Azərbaycan  Respublikasının  Prezidenti  yanında  Gənclər  Fondunun  maliyyə  dəstəyi  ilə  Bərdə  rayonunda 10  oktyabr 2017-ci il tarixindən 10 yanvar 2018-ci il tarixinədək həyata keçirilən “Evimiz  Yaşıl  Olsun!” layihəsinin  icrası  uğurla  davam  edir.  Layihə  çərçivəsində iştirak  edəcək  yeniyetmə  və  gənclərin seçim  prosessi  uğurla  başa  çatmışdır. Bərdə Dövlət İdarəetmə və Texnologiya Kollecində həyata  keçirilən  seçim  mərhələsinə  dəvət  olunan  Bərdə rayon Gənclər  və  İdman  İdarəsinin  rəis  müavini Aydın  Qasımov çıxış edərək layihənin icra edildiyi Bərdə rayonunun tarixi, təbiəti, rayonda ekoloji sahədə görülən  işlər haqqında layihədə iştirak edəcək yeniyetmə və gənclərə ətraflı məlumat vermişdir.
Bərdə Dövlət İdarəetmə və Texnologiya Kollecinin müəllimi aqrar elmlər üzrə fəlsəfə doktoru Xosrov Musayev, Bərdə rayon Uşaq-Gənclər İnkişaf Mərkəzinin ekoloji tərbiyyə və təcrübəçilik şöbəsinin əməkdaşı Aynur Məmmədova çıxış edərək ekoloji problemin qloballığı, doğma vətənimiz Azərbaycanın və eləcə də Bərdə rayonunun təbiəti və ekoloji problemləri haqqında layihə iştirakçılarına ətraflı məlumat vermişdir. Rayonun fəal gənclərindən olan Namaz Kərimov və Pərvin Əhmədova çıxış edərək Azərbaycan Gənclər Fondunun dəstəklədiyi digər layihələr haqqında iştirakçılara məlumat vermiş və fonda yeni layihələr təqdim olunması tövsiyyə edilmişdir.
Layihə rəhbəri Nicat Əhmədov çıxış edərək seçim mərhələsinə dəvət olunan qonaqlara və layihə iştirakçılarına Azərbaycan Gənclər Fondunun yaranma tarixi, fondun fəaliyyəti haqqında, həmçinin Azərbaycan Gənclər Fondunun maliyyə dəstəyi ilə həyata keçirilən “Evimiz Yaşıl Olsun!” layihəsinin məqsədi, hədəf qrupları, gözlənilən nəticələr, layihənin davamlılığı, layihə çərçivəsində nəzərdə tutulan tədbirlər haqqında ətraflı məlumat vermişdir.
Tədbirin sonunda xatirə şəkili çəkilmişdir.