“Aprel döyüşlərinin tank komandiri: Şəhidliyin Rahim Tağıyev Zirvəsi” qısametrajlı sənədli filminin təqdimat mərasimi keçirilib

25
Azərbaycan-Slavyan Gəncləri Assosiasiyası (ASGA) Azərbaycan Respublikasının Prezidenti yanında Gənclər Fondunun maliyyə dəstəyi ilə “Aprel döyüşlərinin tank komandiri: Şəhidliyin Rahim Tağıyev Zirvəsi” – adlı qısametrajlı sənədli film çəkib. “ARB24”-ün texniki dəstəyi ilə reallaşan layihənin əsas məqsədi ötən ilin aprel döyüşlərində qəhrəmancasına şəhid olan Rahim Tağıyevlə bağlı sənədli film çəkərək onu gənclər arasında təbliğ etməkdən ibarətdir.
Layihə çərçivəsində çəkilən sənədli film Mingəçevir şəhərində geniş auditoriyaya təqdim olunub. Təqdimatı giriş sözü ilə ASGA sədri Səbuhi Abbasov açaraq layihənin məqsədindən danışıb: “Layihənin əsas məqsədi ötən ilin aprel döyüşlərində qəhrəmancasına şəhid olan Rəhim Tağıyevlə bağlı sənədli film çəkərən onu gənclər arasında təbliğ etməkdən ibarətdir. Biz Aprel Döyüşlərində igid əsgərlərimizin şücaətini paytaxt və region gəncləri arasında təbliğ etməyi qarşıya əsas hədəf kimi qoymuşuq. Biz ASGA olaraq aprel döyüşlərində qəhrəmancasına şəhid olan hər bir əsgərimizin cəmiyyətdə tanıdılmasının tərəfdarıyıq. Bu mənada təklif etdiyimiz layihə Fondun bütün komissiya üzvləri tərəfindən müsbət qarşılandı. Mən bir daha Gənclər Fonduna və ARB24 rəhbərliyinə öz təşəkkürümü bildirirəm. Eyni zamanda, Mingəçevir İcra Hakimiyyətinin başçısı Niyazi Bayramova göstərdiyi diqqət və qayğıya görə təşəkkür edirəm
Daha sonra Mingəçevir Dram Teatrın direktoru Səxavət Məmmədov çıxış edərək bu kimi layihələrin gənclərin vətənpərvərlik ruhunda tərbiyəsində mühüm rol oynadığını dedi.
Şəhid Rahim Tağıyevin həyat yoldaşı Vüsalə Tağıyevə isə çıxışında onun ailəsinə göstərilən diqqət və qayğıdan dolayı hər kəsə təşəkkür etdi.
Daha sonra filmin ərsəyə gəlməsində xidməti olan texniki heyətə ASGA adından diplomlar, disklər və suvenirlər hədiyyə verildi.