[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/12/unnamed-14.jpg” ]

Azərbaycan Respublikasının Prezidenti yanında Gənclər Fondunun maliyyə dəstəyi, Yeni Azərbaycan Partiyası Gənclər Birliyinin təşkilati dəstəyi ilə keçirilən Araşdırma GƏNCləşir layihəsinin növbəti mərhələsi də geridə qaldı. Belə ki, beynəlxalq münasibətlərdə münaqişə və problemlərin həlli ilə bağlı müxtəlif sahələrdə araşdırma işi yazan 15 gəncimiz öz işlərini 28 noyabr taxirində təhvil verib. Artıq həmin işlərin mütəxəssislər tərəfindən yoxlanılması başlanılıb. Bütün yazılar anonim olaraq yoxlanılıb ilkin mərhələdə 15 ballıq sistemlə qiymətləndiriləcəkdir. Növbəti mərhələ isə final mərhələsidir. Bu mərhələdə iştirakçılar öz araşdırma işləri əsasında çıxışlar edəcək və bu çıxışlar da 15 ballıq sistemlə qiymətləndiriləcəkdir. Hər iki mərhələdə qazanılan ballar toplandıqdan sonra qaliblər müəyyən olunacaqdır.
Final və konfrans mərhələsində təqdimat və çıxışların effektiv olması üçün 29 və 30 noyabr 2014-cü il tarixlərində layihə çərçivəsində ritorika və təqdimat təlimləri keçirilib. Təlimlərdə iştirakçılara effektiv təqdimatın sirləri haqqında məlumatlar verilib, praktiki tapşırıqlar yerinə yetirilib. Təlimlərdə əldə olunan biliklər gənclərimizə final və konfrans çıxışlarının hazırlanması zamanı faydalı olacaqdır.

[postgallery_grid content=”image” columns=”4″ lightbox=”yes” attached_id=”20128″ id=”20128″ imageeffect=”reflection” imgheight=”154″ imgwidth=”240″ width=”980″ /]