“Azərbaycan – Avropa Gənclərinin Əməkdaşlığı” İB Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirdiyi “Regional karyera mərkəzi” adlı layihəni yekunlaşdırıb. Layihə Gəncə 2016 Avropa Gənclər paytaxtı tədbirlər planına uyğun olaraq Gəncə şəhərində təşkil edilmişdir. YAP Gəncə şəhər təşkilatının Gənclər Birliyinin təşkilatı dəstəyi ilə 22-23 iyul 2016-cı il tarixlərində keçirilmişdir. İki gün davam edən layihənin əsas məqsədi gənclərin düzgün karyera qurmaqlarına, təcrübə əldə etmək imkanlarına dair təlimlərin, müzakirələrin keçirilməsi idi. Birinci gün tədbirin rəsmi açılış günündə Gəncə şəhəri İcra hakimiyyətinin nümayəndəsi, YAP Gəncəə şəhər Gənclər Birliyinin sədri açılış nitqi edərək, layihənin əhəmiyyətindən bəhs edərək, layihə iştirakçılarına uğurlar arzu ediblər. Layihənin ikinci günü “Azərbaycan-Avropa Gənclərinin Əməkdaşlığı” ictimai birliyinin icra katibi Orxan Əlixanlı karyera ilə bağlı gənclərə bir sıra tövsiyyələr verib, düzgün karyera planlaşdırmağın əsas amillərini qeyd etmişdir.
Ümumilikdə tədbirdə 200 yaxın gənc iştirak etmişdir. Müxtəlif istiqamətlər üzrə aparılan karyera müzakirələrin sonunda gənclərə müvafiq sertifikatlar təqdim edilmişdir. Gənclərə mövzu üzrə müvafiq kitabçalar və bukletlər təqdim edilmişdir. Tədbirin sonunda xatirə şəkili çəkdirilmişdir.