22 oktyabr 2016-cı il tarixdə Üzeyir Hacıbəylinin ev muzeyinin sərgi salonunda saat 15:00-da Azərbaycan Respublikasının Prezidenti yanında Gənclər Fondunun maliyyə dəstəyi ilə Humay Fərəcovanın “Musiqiçi rəssamlar” adlı fərdi layihəsi həyata keçiriləcəkdir.
Layihənin əsas məqsədi musiqiçi olaraq ressamlığı və ya rəssam olaraq musiqini özü üçün hobbi və ilham mənbəyi kimi seçən 20-yə yaxın görkəmli Azərbaycan bəstəkarlarının, ifaçılarının (Üzeyir Hacıbəyli, Arif Məlikov, İsmayıl Hacıbəyov və b.) və həmçinin bu günün ən gənc, lakin istedadlı musiqiçilərinin ressamlıq sahəsində olan istedad və bacarıqlarını da ictimaiyyətə çatdırmaqdır.
Bu məqsədlə “Musiqiçi rəssamlar” adlı kataloq çap olunmuşdur ki, həmin kataloqun təqdimatının Azərbaycan musiqisinin təməlini qoymuş və həmçinin rəssamlıq bacarığı olmuş Üzeyir bəy Hacıbəylinin ev muzeyində  keçirilməsi planlaşdırılmışdır.
Belə ki, 22 oktyabr saat 15:00-da baş tutacaq təqdimatda həmçinin  sərgi və kiçik konsett proqramı da nümayiş olunacaqdır.
Təqdimata bir sıra sənət adamları, qonaqlar  və media nümayəndələri dəvət olunmuşlar.