Gənc Vətənpərvərlər Birliyi Azərbaycan Respublikasının Prezidenti yanında Gənclər Fondunun maliyyə dəstəyi ilə “Genetik modifikasiya olunmuş orqanizmli (GMO) məhsullarla bağlı əhalinin məlumatlandırılması” adlı  layihə çərçivəsində Bakı şəhər Səbayıl rayon 2 saylı Texniki və humanitar elmlər liseyində 18 oktyabr  Dövlət Müstəqiliyin 25 illyinə həsr olunmuş “Azərbaycan gəncliyi və müstəqilik” və “Gəlin GMO məhsullarla birgə mübarizə aparıb, genefondumuzu qoruyaq” mövzularında elmi nəzəri praktik konfrans keçirilib.
Tədbiri giriş sözü ilə acan məktəbin dil ədəbiyyat müəlliməsi E.Həziyeva qeyd etdi ki, Sovet hakimiyyəti dağıldıqdan sonra  1991-ci il 18 oktyabr tarixində dövlət müstəqiliyyinin  elan olunması Azərbaycan  dövlətinin  yeni inkişafının  yeni əsasını qoydu.
Layihə üzrə təlimçi Q.Ağalarova  layihənin  bir neçə mərhələdə icra olunacağından söhbət acdı və qeyd etdi ki, Gen köçürülmüş orqanizm genetik yeniləşdirilmiş və ya genetik modifikasiya olunmuş orqanizm – GMO adlanır.
Indi dünyanın ən inkişaf etmiş ölkələrində (ABŞ, Kanada, Çin, Yaponiya və s.) ərzaq məhsullarının, meyvə və tərəvəzlərin 70%-dən çoxunun tərkibində transgen inqredentlər var deyən Q.Ağalarova növbəti mərhələdə keçirilən  maarifləndirmə tədbirləri çox saylı təkliflərə əsaslanaraq əlaqədar təşkilatlarla davam etdiriləcəklərini bildirdi.
GVB sədri M.Əliyev qeyd etdi ki,Azərbaycanda GMO ilə bağlı maarifləndirmə kampaniyası zəif aparılır, ölkə televiziyalarında, mətbuatda hansı məhsulların tərkibinə qatqıların qatıldığı və ya təhlükəli məhsullarla bağlı sosial çarxlar yoxdur. Baxmayaraq ki, GMO tərkibli məhsullar istehsal edilən ABŞ, Rusiya, Almaniya kimi ölkələrdə sosial çarxlarla insanları təhlükəli məhsullardan çəkindirməyə çalışırlar.
Çıxış edən nümayəndələr və müəllimlər qeyd etdilər ki, geni dəyişdirilmiş modifikasiya olunmuş qida məhsulları (GMO) qida sahəsində dünyanın üzləşdiyi ən böyük problemlərdən biridir. “Gəlin GMO  məhsullarla birgə mübarizə aparıb, genefondumuzu qoruyaq”.
Tədbirdə, Azərbaycan Dövlət Pedoqoji Universitetin rektoru C.Cəfərov, Azərbaycan Turizm universitetin rektor əvəzi E.Aslanov, AMEA-n Tarix muzeyin müdiri akademik N.Əlihanlı, Məktəbin dil ədəbiyyat müəlliməsi E.Həziyeva, İnternet ekspress qəzetinin baş redktoru V.Əlibəyli, məktəbin 10 sinif şagirdi B.İsmayılzadə və digərləri fəxri diplomlara və təşəkkürnamə ilə layiq görürdülər.
Tədbirlər çərçivəsində “Genetik modifikasiya olunmuş orqanizmli (GMO) məhsulları haqqında ümumi anlayış və terminalogiya mövzularında qonaqlara və tədbirdə iştirak edən valideyinlərə rəngli buklet və broşuralar paylandı.