[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/07/unnamed-64.jpg ” ]
“Bizim Gənclik” İctimai Birliyi tərəfindən Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçiriləcək “Gəncliyimiz təbiəti qorumaq üçün birləşir!”  layihəsinin icrasına start verilib. Layihənin əsas məqsədi vətənimizin təbii gözəlliyini, zəngin növ müxtəlifliyini Azərbaycanın hər bir vətəndaşına nümayiş etdirmək, onu necə qorumalı olduğumuzu gənclərin dilindən insanlara çatdırmaqla yanaşı, müxtəlif mənbələrin araşdırılması yolu ilə işğal altındakı torpaqlarımızdakı hazırki ekoloji şəraitin öyrənilməsidir. Missiyamız ekologiyanı, təbiətimizi və bununla da sabahımızı qoruyacaq gənc nəsil yetişdirməkdir. Layihə çərçivəsində Azərbaycanın bitki örtüyü, heyvanat aləmi, təbii sərvətlərimiz, onlardan səmərəli istifadə yolları, işğal altındakı torpaqlarımızdakı ekoloji vəziyyət, ekoloji mədəniyyət və təbiəti qoruma mövzularını əhatə edəcək təlimin keçirilməsi planlaşdırılıb. Təlim zamanı fərqlənmiş hər bir gəncə araşdırma aparmaq üçün Azərbaycanın bir regionu həvalə olunacaq və bu araşdırmaların aparılması üçün onlara şərait yaradılacaqdır. Layihə müddətində hazırlanmış araşdırmaların əks olunduğu məlumatların ümumiləşdirilməsi və bu sahənin mütəxəssislərinin diqqətinə çatdırılması nəzərdə tutulub. Mütəxəssislərin məlumatlarla tanışlığından və müvafiq rəylərindən sonra məlumatalar ssenari halına salınaraq video-çarx çəkilişlərinə başlanılacaqdır. Layihənin sonunda iştirakçılar sertifikatla təltif olunacaqlar.