[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2014/11/unnamed21.jpg” ]
Azərbaycan Respublikasının Prezidenti yanında Gənclər Fondunun dəstəyi ilə Beyləqan şəhəri 2 saylı tam orta məktəbdə “Gənc ekoloqlar ətraf mühitin mühafizəsində” layihəsi çərçivəsində tədbir təşkil edilib. Tədbirdə gənclərlə yanaşı, bir sıra qurumların nümayəndələri və məktəb rəhbərliyi də iştirak edib. Tədbiri giriş sözü ilə təlimçi-ekspert Asif Quliyev cəbhə bölgəsində yerləşən Beyləqan və Füzuli rayonunun ekoloji problemlərindən söz açmışdır. Daha sonra layihə haqqında məlumatları və Gənclər Fondunun geniş fəaliyyətini əks etdirən təqdimat nümayiş etdirilmişdir. Gənclər ekoloji problemlər, respublikamızın hazırkı ekoloji vəziyyəti, demoqrafiya, ətraf mühit və məişət ekologiyasının qarşılıqlı münasibətləri, problemlərin həlli yolları, könüllü gənc ekoloqların ətraf mühitin mühafizəsində rolu və digər məsələlər ətrafənda müzakirələrdə aktiv iştirak ediblər.
Hazırda Beyləqanın ekoloji durumunun xeyli yaxşılaşdığını, avtomobil tıxaclarının olmamasının və yaşıllıqların salınmasınının ekologiyaya müsbət təsirini, vurğulayan A.Quliyev auditoriyanı maraqlandıran sualları cavablandırıb. Tədbir iştirakçıları Gənclər Fondunun səmərəli maarifçilik fəaliyyətini yüksək qiymətləndirərək belə layihələrin tez-tez təşkil olunmasını istədiklərini bildiriblər.
Layihənin məqsədi gənc təbiət mühafizəçilərinin ətraf mühitin mühafizəsi sahəsində bilik və bacarıqlarını artırılması vasitəsilə ekoloji mədəniyyətin formalaşması, ətraf mühitin çirklənməsinin qarşısını almaq, ekoloji durumu yaxşılaşdırmaq və səhra tipli ərazilərdə yaşıllıq zolağının salınması və qorunmasına nail olmaqdan ibarətdir.
Xatırladaq ki, tədbir Heydər Əliyev Fondunun vitse-prezidenti, Ətraf Mühitin Mühafizəsi üzrə Beynəlxalq Dialoq Təşəbbüsünün təsisçisi Leyla xanım Əliyevanın layihəsi əsasında bu il noyabr ayının 5-dən start verilən I “Ümumrespublika Yaşıllaşdırma” marafonuna dəstək xarakteri də daşıyır.
[postgallery_grid content=”image” columns=”4″ lightbox=”yes” attached_id=”19932″ id=”19932″ imageeffect=”reflection” imgheight=”154″ imgwidth=”240″ width=”980″ /]