[imageeffect type=”frame” align=”alignleft” width=”240″ height=”154″ alt=”” url=”http://youthfoundation.az/wp-content/uploads/2015/04/unnamed-242.jpg” ]
Göyçay və İsmayıllı rayonlarında “Bakı 2015” Avropa Oyunlarının Azərbaycanda keçirilməsinin əhəmiyyətini regionlarda təbliğ etmək məqsədi ilə tədbir keçirildi.
Region Gənclərinin İnkişafına Töhfə İctimai Birliyi tərəfindən Azərbaycan Respublikasının Prezidenti yanında Gənclər Fondunun maliyyə dəstəyi ilə həyata keçirilən “Azərbaycan Olimpiadada, Olimpiada Azərbaycanda” adlı layihəsinin icrası 21 aprel 2015-ci il tarixində Göyçay və İsmayıllı rayonlarında baş tutdu.
Layihənin əsas məqsədi ilk dəfə keçiriləcək Avropa Oyunlarının Azərbaycanda keçirilməsinin əhəmiyyətini regionlarda təbliğ etmək, gənclərimizi beynəlxalq tədbirin ölkəmizə verəcəyi faydalar barəsində məlumatlandırmaq, Avropa Oyunları zamanı ölkəmizə gələn xarici qonaqlarla gənclərin ictimai davranış qaydalarına riayət etmələrinə yardımçı olmaq, Azərbaycanın olimpiya tarixi və cənab prezidentimiz İlham Əliyevin Milli Olimpiya Komitəsinin prezidenti seçildiyi gündən bü günkü günədək ölkə idmanın keçdiyi uğurlu yolları gənclərə çatdırmaqdır.
Hər iki rayonda kecirilən tədbiri giriş sözü ilə RGİTİB-in icraci direktoru Nicat Rəhimov açdı. Təlim iştirakçılarına mövzuya uyğun çap olunmuş bukletlər, üzərləri yazılmış köynəklər və papaqlar paylanıldı. Xüsusi hazırlanmış foto slayt vasitəsi ilə “Bakı 2015” Avropa Oyunları barədə ətraflı məlumatlar verən təlimçi Rasif Qaçayev gəncləri maraqlandıran digər sualları cavablandırdı. Tədbirdə Rayon İcra Hakimiyyəti Başcisi Aparatının və Rayonların Gənclər və İdman İdarəsinin məsul işçiləri iştirak etdilər. Təlimlərdə iştirak edən gənclərdən əlavə rayonlarda gənclərinin sıx toplaşdığı yerlərdə mövzuya uyğun maarifləndirici bukletlərin paylanılması təmin olundu. Tədbirin davamı 23 aprel 2015-ci il tarixdə Qəbələ rayonlarında və Şəki şəhərində keçirilməsi planlaşdırılır.
[postgallery_grid content=”image” columns=”4″ lightbox=”yes” attached_id=”21357″ id=”21357″ imageeffect=”reflection” imgheight=”154″ imgwidth=”240″ width=”980″ /]