[imageeffect type=”frame” align=”alignleft” width=”240″ height=”154″ alt=”” url=”.http://youthfoundation.az/wp-content/uploads/2014/07/IMG_4115.jpg ” ]
19 iyul 2014-cü il tarixində Azərbaycan Respublikasının Prezidenti yanında Gənclər Fondunun maliyyə dəstəyi ilə Sumqayıtda “Aztəminatlı, qaçqın və məcburi köçkün gənclərə təlimlərin keçirilməsi” layihəsi çərçivəsində ilk təlim günü başa çatıb. Layihənin əsas məqsədi təlim proqramı zamanı aztəminatlı, qaçqın və məcburi köçkün gənclərin adi təhsil proqramında əldə edə bilmədiyi bilikləri qazandırmaq və onların peşəkar iş həyatına qatılmasına imkan yaratmaqdır. Bundan əlavə, layihənin məqsədi gənclərə təmənnasız təlimlər keçərək onlar üçün əlçatmaz sayılan biliklərin verilməsi, cəmiyyətdə savadlı, peşəkar gənclərin sayının bir qədər də artırılmasıdır. Təlim proqramı çərçivəsində gənclər gələcəkdə peşəkar həyatda istifadə edə biləcəkləri bir sıra fundamental biliklərə sahib olublar. Təlimlər 5 gündən ibarət olub və hər gün Layihə İdarəetməsi, İşgüzar Ünsiyyət, Liderlik qabiliyyətinin təkmilləşdirilməsi, Risklərin İdarəedilməsi,Vaxtın İdarəolunması kimi müxtəlif sahələri əhatə edib. Təlimin ilk iki günündə təlim iştirakçıları Layihə İdarəedilməsinin əsasları və eləcədə İşgüzar Ünsiyyət barədə geniş əhəmiyyətli biliklərə yiyələniblər. Təlim proqramı çərçivəsində iştirakçılar layihələrin əhəmiyyəti onların idarəolunmasının əsas məqamları, işgüzar ünsiyyətin növləri, şifahi və yazılı ünsiyyətin qurulmasının uğur formulu, tərcümeyi halların yazılmasının mühüm məqamları,uğurlu təqdimat keçirmənin qaydaları və digər bu kimi faydalı informasiyalar əldə ediblər. Hər bir təlim gününün sonunda iştirakçılara sertifikatlar və xüsusi hədiyyələr verilib.
[postgallery_grid content=”image” columns=”4″ lightbox=”yes” attached_id=”16674″ id=”16674″ imageeffect=”reflection” imgheight=”154″ imgwidth=”240″ width=”980″ /]
